«كۇشتى پرەزيدەنت، ىقپالدى پارلامەنت، حالىققا ەسەپ بەرەتىن ۇكىمەت» - بۇل 2019 جىلى پرەزيدەنتتىك سايلاۋعا تۇسكەن كانديدات توقايەۆتىڭ ساياسي تۇعىرناماسى بولاتىن. سەناتور دانا نۇرجىگىت وسىنداي پىكىر ءبىلدىردى، دەپ حابارلايدى اlmaty-akshamy.kz
«بۇگىنگى حالىقارالىق گەوساياسي شيەلەنىستەر مەن ءوز ەلىمىزدەگى ىشكى تۇيتكىلدەر كەز كەلگەن ادامدى ابدىرايتىنداي، قوبالجيتىنداي جاعدايعا ءتۇسىردى. الايدا، كوش باستايتىن تۇلعانىڭ ونداي كۇيگە تۇسۋگە حاقى جوق . جولىنان تايمايتىن، ناقتى جوسپارى بار ادام عانا سىرتقى جاعدايدى ەلەمەي، ءوز تراەكتورياسىنان اۋىتقىمايدى. ءبىز ءدال سونداي ادامنىڭ قولىنان شىققان جوسپاردى كوردىك. «كۇشتى پرەزيدەنت، ىقپالدى پارلامەنت، حالىققا ەسەپ بەرەتىن ۇكىمەت» - بۇل 2019 جىلى پرەزيدەنتتىك سايلاۋعا تۇسكەن كانديدات توقايەۆتىڭ ساياسي تۇعىرناماسى بولاتىن. قاسىم-جومارت كەمەل ۇلى سول ايتقانىنان بۇگىن دە جاڭىلمادى»، - دەيدى سەنات دەپۋتاتى.