وتاندىق تانىمال جۋرناليست ءارى تەلەجۇرگىزۋشى دانا نۇرجىگىت وليمپياداعا كەتكەن سپورتشىلار مەن باپكەرلەرگە قاتىستى ويىن ايتتى. ب ا ق وكىلى ولاردىڭ جارىس جولىندا جەڭىلىپ قالعانى ءۇشىن كەشىرىم سۇراۋىنا تۇبەگەيلى قارسى ەكەنىن جەتكىزدى، دەپ جازادى aqshamnews.kz.
دانا نۇرجىگىت وليمپياداعا قاتىسقان سپورتشىلار مەن باپكەرلەردىڭ جەڭىلىسى ءۇشىن كەشىرىم سۇراۋىنا قارسى ەكەنىن ايتتى. جۋرناليست بۇل ارەكەتتى پوپۋليزم دەپ ساناپ، سپورتشىلاردىڭ جىگەرىن قۇلاتۋعا اكەلەتىنىن اتاپ ءوتتى. نۇرجىگىتتىڭ پىكىرىنشە، قاتەلىكتەردى ىسكەرلىك ورتادا تالقىلاۋ قاجەت، ال كەشىرىم سۇراتۋ ازاماتتاردى تۇقىرتۋ بولىپ تابىلادى. دانا نۇرجىگىت Instagram-داعى پاراقشاسىندا سپورتشىلار مەن باپكەرلەرگە كەشىرىم سۇراتۋدى قويۋ كەرەك دەپ ۇندەۋ جاسادى.
"سىرتتا ءجۇرىپ، قولدان كەلگەنشە ەڭبەك ەتكەن ازاماتتاردىڭ ۇلكەن باسىن كىشىرەيتىپ، كەشىرىم سۇراتۋدى قويۋ كەرەك. بۇل - پوپۋليزم. ەلگە ورالعاندا كەتكەن قاتەنى ىسكەرلىك ورتادا ساۋاتتى تالقىلاۋ دەگەن بولادى. مىناۋ ءوز ازاماتتارىمىزدى تۇقىرتۋ، جىگەرىن قۇم قىلۋ! مۇندايعا قارسىمىن"، - دەپ جازدى جۋرناليست.
ايتا كەتەيىك، بۇعان دەيىن بوكستان قازاقستان قۇراماسىنىڭ باس باپكەرى مىرزاعالي ايتجانوۆ وليمپياداداعى بوكس ناتيجەسى ءۇشىن حالىقتان كەشىرىم سۇراعان بولاتىن.