ق ر ۇلتتىق ەكونوميكا ءمينيسترى الىبەك قۋانتىروۆتىڭ توراعالىعىمەن «دامۋ» كاسىپكەرلىكتى دامىتۋ قورى» اق ستراتەگيالىق سەسسياسى ءوتتى.
ۇسىنىلعان ستراتەگيا جوباسى مەملەكەت باسشىسىنىڭ قازاقستان حالقىنا ارناعان «ءادىل قازاقستاننىڭ ەكونوميكالىق باعىتى» اتتى جولداۋىندا ايتىلعان تاپسىرماسىن، اتاپ ايتقاندا مەملەكەتتىك قولداۋ جۇيەسىن جەتىلدىرۋ ارقىلى ورتا كاسىپكەرلىكتى دامىتۋ بويىنشا جاڭا كەشەندى تاسىلدەردى قالىپتاستىرۋ قاجەتتىگىن قامتيدى، دەپ حابارلايدى اlmaty-akshamy.kz.
ستراتەگياعا ساكەس، «دامۋ» قورى ەل ەكونوميكاسىن دامىتۋ ءۇشىن الەۋەتتى ورتا بيزنەستىڭ دامۋىن ىنتالاندىرۋعا بارىنشا سەرپىن بەرۋدى جوسپارلاپ وتىر. ونىڭ ىشىندە شيكىزاتقا تاۋەلسىز سەكتورلارداعى ەكسپورتقا ءونىم شىعاراتىن جانە يمپورتتىڭ ورنىن باساتىن جوبالارعا باسىمدىق بەرىلەدى.
شوب-تى دامىتۋداعى مەملەكەتتىك قۇرالداردىڭ ءبىرى – كەپىلدىكتىڭ اياسىن كەڭەيتۋ كوزدەلگەن. بۇل قۇرال ەدب وتىمدىلىگىن ەل ەكونوميكاسىن نەسيەلەۋگە تارتۋ ماسەلەسىن شەشۋگە ىقپال ەتەدى.
ءار ءوڭىردىڭ ەرەكشەلىگى مەن باسىمدىق بەرىلگەن سالالارىن ەسكەرە وتىرىپ، اكىمدىكتەرمەن بىرلەسكەن وڭىرلىك قارجى باعدارلامالاردى دامىتۋ دا جوسپاردا بار.
مۇنىمەن قاتار قور نارىعىنىڭ ونىمدەرى ارقىلى بالاما قولداۋ قۇرالدارىن دامىتۋ كوزدەلگەن. وسى باعىتتىڭ نەگىزگى ماقساتتارىنىڭ ءبىرى – بيزنەس-جوبالاردى ينۆەستيسيالاۋعا جەكە نارىقتى كىرىستىرە وتىرىپ، شوب-قا قارجى تارتۋ مۇمكىندىگى بولماق. شوب-تى قامتۋدا يسلام قارجى قۇرالدارى مەن فاكتورينگ وپەراسيالارىن دامىتۋ ماڭىزدى ءرول اتقارادى.
ستراتەگيا بيزنەس-پروسەستەردى سيفرلاندىرۋ ءۇشىن IT مەن تەحنولوگيالىق شەشىمدەر ەنگىزىپ، فرونت-كەڭسەنى ونلاين فورماتقا كوشىرۋ جانە ءتيىمدى جۇمىس ىستەيتىن ەكوجۇيە قۇرۋعا دا باسا نازار اۋدارادى. بۇگىندە كاسىپكەرلەرگە ىڭعايلى بولۋ ءۇشىن قوردىڭ بارلىق بيزنەس-پروسەستەرى كاسىپكەردىڭ ءوتىنىم بەرۋىنەن باستاپ سۋبسيديالاۋ/كەپىلدىك بەرۋ شارتىنا قول قويۋعا دەيىن سيفرلانعان.
قور جاسىل جانە الەۋمەتتىك جوبالاردى قوسا العاندا، ESG-جوبالار ۇلەسىن ارتتىرۋ، ايەلدەر مەن جاستار كاسىپكەرلىگىن قولداۋ ارقىلى ءوز قىزمەتىنە «ESG» فاكتورلارىن ەنگىزۋدى جانە ينتەگراسيالاۋدى جالعاستىرادى.
ۇكىمەت ەلىمىزدە شوب-تى دامىتۋ بويىنشا ۇلكەن جۇمىس جۇرگىزۋدە. بۇعان وسى سالاداعى كورسەتكىشتەر دالەل. مىسالى، شاعىن جانە ورتا بيزنەس ونىمدەرىن ءوندىرۋ 47،2 ترلن تەڭگەدەن استى، جۇمىسپەن قامتىلعاندار سانى 4،3 ملن ادامدى قۇرايدى. 2023 جىلى 12،3 مىڭ جوبا سۋبسيديالاندى، جالپى نەسيە سوماسى 1 ترلن تەڭگەنى قۇرادى. نەسيە سوماسى 363 ملرد تەڭگە بولاتىن 8،2 مىڭ جوباعا كەپىلدىك بەرىلدى. ۇكىمەت ەكونوميكا ءوسىمىنىڭ نەگىزگى درايۆەرى رەتىندە شوب-تى دامىتۋ شارالارىن جالعاستىرادى. بيۋدجەت قاراجاتىن پايدالانۋ تيىمدىلىگىن، ونىڭ ءليميتىن ارتتىرۋ جانە شوب سۋبەكتىلەرىن كوپتەپ قارجىلاندىرۋ ماقساتىندا سۋبسيديادان كەپىلدىك پەن قورلاندىرۋدىڭ بالاما قۇرالدارىنا قاراي كوشۋ قاجەت، - دەپ اتاپ ءوتتى مينيستر.
سەسسيا بارىسىندا نەگىزگى قاتىسۋشىلاردىڭ جاڭا ۇسىنىستارى مەن كوزقاراستارى تىڭدالدى. قوردىڭ قۇرالدارى مەن قىزمەتىن ودان ءارى جەتىلدىرۋ جولدارى ايقىندالدى. جيىن سوڭىندا قاتىسۋشىلار ستراتەگيالىق سەسسيادا ايقىندالعان ماقساتتار مەن جوسپارلار «دامۋ» قورىنىڭ ەلدەگى كاسىپكەرلىكتى دامىتۋ ميسسياسىن تابىستى جۇزەگە اسىرۋىن جالعاستىرۋعا كومەكتەسەتىنىنە سەنىم ءبىلدىردى.