جاس قىز سالماق تاستاۋ وتاسىنان كەيىن قايتىس بولدى.
The Sun پورتالىنىڭ مالىمەتىنشە، بريتانيالىق 20 جاستاعى قىز تۇركيالىق كلينيكانىڭ وتا جاساۋ قىزمەتىنىڭ ارزان بولۋىنا قىزىعىپ بارعان، - دەپ حابارلايدى اlmaty-akshamy.kz.
اسقازاندى كىشىرەيتۋ وتاسى 1،2 ميلليون تەڭگەگە باعالانعان، ال بريتانيادا بۇل قىزمەت ءۇشىن دارىگەرلەر بەس ەسە قۇن سۇرايتىن كورىنەدى. وتا جاسالىپ بولعاننان كەيىن ءۇش كۇن وتكەندە مورگان ماريا ريبەيرو كلينيكادان شىعۋعا رۇقسات العان. الايدا ۇشۋ كەزىندە ونىڭ جاعدايى ناشارلاپ، ۇشاق بەلگرادقا قونۋعا ءماجبۇر بولعان.
"ستيۋاردەسسا وعان مۇز بەن سۋ بەرگەن، ونىڭ تىنىسى تارىلعان. ءسويتىپ ەكيپاج مۇشەلەرى ونى ۇشاقتىڭ الدىڭعى بولىگىنە وتىرعىزعان، وندا ورىندار كەڭ بولعان"، - دەيدى قىزبەن بىرگە بارعان جىگىت.
سەربيالىق دارىگەرلەر تۇركيالىق ارىپتەستەرىنىڭ قاتەلىگىن كورسەتكەن، سونىڭ سالدارىنان ينفەكسيا پايدا بولعان. قىز بالا سەپتيكالىق شوك العان. وكىنىشكە وراي دارىگەرلەر ونى امان الىپ قالا الماعان.
ماريا ريبەيرونىڭ اناسى قىزىنىڭ وتا جاساۋ جوسپارى تۋرالى بىلمەگەنىن ايتادى. ول تەك ۇشاققا وتىرعان كەزدە بىلگەن. ەندى قىزدىڭ وتباسى ءمايىتتى ۇلىبريتانياعا جەتكىزۋ ءۇشىن جانە جەرلەۋ راسىمىنە قاراجات جيناپ جاتىر ەكەن.