ءمينيستردىڭ باق-قا دەگەن كوزقاراسىن الماتىدا الدىگۇنى بولعان جەر سىلكىنىسى ايقىنداي تۇسكەن.
بۇل تۋرالى ايدا بالايەۆا ءوزىنىڭ Facebook پاراقشاسىندا جازبا جاريالادى، دەپ حابارلايدى Almaty-akshamy.kz 24.kz-كە سىلتەمە جاساپ.
«قۇرمەتتى دوستار! الماتىدا بولعان جەر سىلكىنىسى سەنىمدى جانە دەر كەزىندە جەتكىزىلەتىن اقپاراتتىڭ ماڭىزدىلىعىن دالەلدەپ، توتەنشە جاعدايلار مەن باسقا دا وقىس وقيعالاردا بۇقارالىق اقپارات قۇرالدارىنىڭ شەشۋشى ءرولىن تاعى دا ايقىندادى. وسىعان وراي، مادەنيەت جانە اقپارات مينيسترلىگى جاقىن ارادا توتەنشە جاعدايلار كەزىندە ب ا ق پەن الەۋمەتتىك جەلىلەر جۇمىستارىنىڭ ەگجەي-تەگجەيلى الگوريتمىن ۇسىنباق. سونداي-اق، ءبىز توتەنشە جاعدايلار مينيسترلىگى، دەنساۋلىق ساقتاۋ مينيسترلىگى، ەڭبەك جانە حالىقتى الەۋمەتتىك قورعاۋ مينيسترلىگى، ىشكى ىستەر مينيسترلىگى جانە باسقا دا مۇددەلى مەملەكەتتىك ورگاندار وكىلدەرىنىڭ قاتىسۋىمەن ب ا ق قىزمەتكەرلەرى ءۇشىن ءبىرقاتار وقۋ ترەنينگتەرىن وتكىزۋدى جوسپارلاپ وتىرمىز. ترەنينگ اياسىندا قاتىسۋشىلار توتەنشە جاعدايلاردا، ميتينگىلەردە، ءورت كەزىندە، جازاتايىم وقيعالار مەن بالالاردىڭ قاتىسۋىمەن بولعان فاكتىلەردى جاريالاۋعا قاتىستى قاجەتتى ۇسىنىستار مەن نۇسقاۋلاردى الا الادى. بۇقارالىق اقپارات قۇرالدارىنىڭ جۇمىسى تەك وبەكتيۆتى جانە ۋاقىتىلى اقپارات تاراتۋ عانا ەمەس، كەيدە ادامداردىڭ ءومىرى مەن دەنساۋلىعى ءۇشىن دە جاۋاپتى ەكەنىن ءبىلۋ ماڭىزدى»، - دەلىنگەن جازبادا.