قالالىق مەملەكەتتىك قۇرىلىمداردىڭ باسپا ءسوز قىزمەتكەرلەرى الماتىدا باس قوستى.
تاجىريبەلى مەديا-ترەنەرلەر جەكە تاجىريبەلەرىندەگى كەيستەردى كەلتىرە وتىرىپ، داعدارىستىق جاعدايلاردان قالاي شىعۋ كەرەكتىگىن ايتتى. باسپا ءسوز قىزمەتىنىڭ ماماندارى ءوز كەزەگىندە PR جانە Digital سالاسىنداعى ساراپشىلاردان كاسىبي كەرى بايلانىس الدى.
ەكى كۇندىك وقۋدى الماتى قالاسىنىڭ وڭىرلىك كوممۋنيكاسيالار قىزمەتى ۇيىمداستىردى.
كوممۋنيكاسيالار بويىنشا ترەنەرلەر ايبار ولجايەۆ پەن گۇلايىم ورالبايەۆا مەگاپوليستىڭ باسپا ءسوز حاتشىلارىنا، (ولاردىڭ كوپشىلىگى بۇرىنعى جۋرناليستەر) ستراتەگيالىق كوممۋنيكاسيا داعدىلارىن ەسكە سالدى.
ترەنەرلەردىڭ ايتۋىنشا، باسپا ءسوز حاتشىلارىنىڭ كاسىبي ءوسۋى مەملەكەتتىك ورگاندار جۇمىسىنىڭ اشىقتىعى مەن جاريالىلىعىن ارتتىرۋعا ىقپال ەتەدى. ولار ءوز ۆەدومستۆولارىنىڭ مىسالدارىن نەگىزگە الا وتىرىپ، داعدارىستىق جاعدايلاردان قالاي شىعۋعا بولاتىنىن ءىس جۇزىندە كورسەتتى، دۇرىس ستراتەگيالىق جوسپارلاۋ تۋرالى ايتتى.
كوپشىلىك كۇتكەن تاقىرىپتاردىڭ ءبىرى «باسپا ءسوز حاتشىسى جانە داعدارىس» بولدى. بۇل بلوكتى ايبار ولجايەۆ جۇرگىزىپ، ترەنينگكە كەلۋشىلەردىڭ بارلىعى قىزىعۋشىلىق پەن بەلسەندىلىك تانىتىپ، پراكتيكالىق تاپسىرمالاردى ورىنداۋعا قاتىسىپ، سۇراقتار قويدى. PR قىزمەتكەرلەرى ءوز كەزەگىندە، ءوز باسقارمالارى، كوممۋنالدىق قىزمەتتەرگە قارسى ايتىلاتىن جاعىمسىز پىكىرلەردى قالاي ازايتۋعا بولاتىنىن ۇيرەندى.
سەمينار تىڭداۋشىسى باقىتجان امانبول قىزىنىڭ ايتۋىنشا، ترەنەرلەر باق-مەن جۇمىس ىستەۋ، ايماقتىق كوممۋنيكاسيالاردىڭ ەرەكشەلىكتەرى، الەۋمەتتىك جەلىلەردە جۇمىس ىستەۋ، اقپاراتتى جىلجىتۋدى (تاراتۋ) اۆتوماتتاندىرۋعا مۇمكىندىك بەرەتىن جەكە تاجىريبەلەرىن ورتاعا سالا وتىرىپ، كوپتەگەن جايتتىڭ قىر-سىرىمەن بولىسكەن.
«مۇنداي ترەنينگتەر وتە پايدالى دەپ ەسەپتەيمىن، ويتكەنى قارىم-قاتىناس ورتاسى ۇنەمى وزگەرىپ وتىرادى، ال الىنعان ءبىلىم وسى وزگەرىستەرگە تەز ارەكەت ەتۋگە مۇمكىندىك بەرەدى»، - دەيدى جاس مامان باقىتجان امانبول قىزى.
ترەنينگتىڭ تاعى ءبىر قاتىسۋشىسى، مەدەۋ اۋدانى اكىمدىگىنىڭ باسپا ءسوز قىزمەتكەرى جاننا انەسوۆا داعدارىسقا قارسى جوسپار قۇرۋ پايدالى دەپ سانايدى.
«مەديا ترەنەر بولىسكەن كەيستەردى ءىس جۇزىندە مىندەتتى تۇردە قولدانامىن. بۇل جاي ترەنينگ ەمەس، پسيحولوگ، جۋرناليست، ستراتەگ، قارجىگەر جانە داعدارىسقا قارسى مەنەدجەرمەن اڭگىمە بولدى»، - دەپ ءبولىستى ج.انەسوۆا.
ترەنينگكە تاجىريبەلى پيارشىلار كەلدى، ولاردىڭ اراسىندا باسپا ءسوز حاتشىسى انار تاستانبەكوۆا دا بولدى.
«سپيكەر ايبار ولجايەۆ قازاقستاندىق جانە شەتەلدىك تاجىريبەنى سالىستىرا وتىرىپ، داعدارىس جاعدايىندا قالاي ارەكەت ەتۋ كەرەكتىگى تۋرالى اۋديتوريانىڭ تۇيتكىلدى سۇراقتارىنا جاۋاپ بەردى. كورەرمەندەر كوپتەگەن ماڭىزدى جانە پايدالى اقپاراتتى ءبىلدى دەپ ويلايمىن، بۇل، ارينە، ءبىزدىڭ كۇندەلىكتى جۇمىسىمىزدا بارىمىزگە پايدالى بولادى»، - دەدى ول.