سۋبۇرقاققا 10 جاسار بالا باتىپ كەتتى.
قايعىلى جاعداي شىمكەنت قالاسى اكىمدىگىنىڭ جانىنداعى سۋبۇرقاقتا بولعان، دەپ حابارلايدى Almaty-akshamy.kz.
بۇل تۋرالى ءىىم باسپا ءسوز قىزمەتى ءمالىم ەتتى. وكىنىشكە قاراي، پوليسەيلەر سۋدان ونىڭ ءولى دەنەسىن الىپ شىقتى.
24 شىلدە ساعات 19:14 شاماسىندا قاراتاۋ اپب 102 ارناسىنا اكىمدىك عيماراتىنىڭ الدىندا كامەلەت جاسىنا تولماعان بالانىڭ قايتىس بولعانى تۋرالى حابار كەلىپ تۇسكەن.
«وقيعا ورنىنا جەدەل تەرگەۋ توبىنىڭ قىزمەتكەرلەرى باردى. بەلگىلى بولعانداي، سۋبۇرقاققا شومىلىپ جۇرگەن 10 جاسار بالا ابايسىزدا سۋعا باتىپ كەتىپ، مەرت بولعانى انىقتالدى. ءجاسوسپىرىمنىڭ بويىندا ەشقانداي كوزگە كورىنەتىن دەنە جاراقاتتارى جوق. كامەلەتكە تولماعان بالانىڭ ءولىمىن پوليسەيلەر سوتقا دەيىنگى تەرگەپ-تەكسەرۋلەرۋدىڭ ءبىرىڭعاي تىزىلىمىنە تىركەدى»، - دەلىنگەن حابارلامادا.
بارلىق قاجەتتى ساراپتامالار تاعايىندالدى، ولاردىڭ ناتيجەلەرى بويىنشا پروسەستىك شەشىم قابىلدانادى.