قۇرمەتتى الماتىلىقتار، قوناقتار، دوستار، ارىپتەستەر، كورشىلەر!
شىلدەنىڭ 29-ى، مەدياساۋات جارمەڭكەسىنە كەلىڭىز. "ءححى عاسىرداعى پاندورا قورابى" پەرفورمانسىنىڭ العاشقى كورەرمەنى بولىڭىز!
Kahoot وينايىق! بالالار مۇنى جاقسى كورەدى، سىزگە دە ۇنايدى دەپ ۇمىتتەنەمىز. نەمەسە «مەديافورتۋنا دوڭگەلەگىن» اينالدىرىپ كورىڭىز، بالكىم سىزگە «سىيلىق» سەكتورى تاپ كەلەتىن شىعار. بارلىق وتباسىڭىزبەن «دجەنگا» ۇستەل مۇناراسىن تۇرعىزىپ كورىڭىز. نەمەسە فوتوداعى جەتىسپەيتىن دەتالدى ىزدەپ، قاي قالا ەكەنىن تابىڭىز! سۋرەتكە ءتۇسىپ، سىيلىققا فوتو الىڭىز تاعى دا ويناڭىز: قاراپايىم جانە كۇردەلى، كۋيزدەر مەن ۆيكتورينالار. مۋزىكا تىڭداڭىز جانە اۋەندى تابىڭىز. بيلەڭىز! مەدياساۋاتتىڭ ءارتۇرلى تاقىرىبىنا ساي ۆيدەوكليپتەردى كورىڭىز!
جارمەڭكە سوڭ ستيكەرلەرىڭىزدى بەلسەندى قاتىسقانىڭىز ءۇشىن سىيلىققا الماستىرىڭىز.
ەڭ باستىسى، ەكى ساعات ىشىندە ويناي ءارى بيلەي ءجۇرىپ، وڭاي ءارى كوڭىلدى نوتادا ءبىز اقپارات عاسىرىنداعى ادامنىڭ نەگىزگى ماشىقتارى تۋرالى سويلەسەتىن بولامىز: سىني پايىم، اقپاراتتى تەكسەرە ءبىلۋ؛ مەديا قۇقىق جانە مەديا ەتيكا جونىندەگى ءبىلىم؛ فاكت پەن پىكىردى اجىراتا ءبىلۋ؛ فەيكتەر مەن ديپفەيكتەردى اجىراتۋ ماشىعىن ۇيرەنەسىز. ارينە شىنايى ءومىرىڭىز ءۇشىن ۋاقىتىڭىزدى ۇنەمدەۋ جانە جەكە مالىمەتىڭىزدى كيبەرالاياقتاردان قورعاۋدىڭ ماڭىزدى ەكەنىن تۇسىنەسىز. ءبىز سىزدەرگە ءبىزدىڭ باسقا جوبالارداعى ارىپتەستەرىمىز ازىرلەگەن وقۋ ماتەريالدارىنا جانە ءبىز دايىنداعان ءبىلىم بەرۋ پلاتفورمامىزعا سىلتەمە بەرەمىز. بۇل سىزدەرگە مەديابىلىمىڭىزدى ءوز بەتىنشە دامىتۋعا مۇمكىندىك بەرەدى. سونداي-اق ءبىزدىڭ ماتەريالدارىمىز مەكتەپتەردە مەدياساۋات بويىنشا ساباق جۇرگىزۋگە دايىن مۇعالىمدەرگە دە پايدالى.
وتەتىن ۋاقىتى: 18.00 - 20.00، 29 شىلدە، 2023 جىل، «اربات» (الماتى قالاسى، جىبەك جولى كوشەسى، بايسەيتوۆا كوشەسىنىڭ قيىلىسى)
ۇيىمداستىرۋشى: «زياندى مەدياادەتتەن ارىلايىق/» مەدياساۋات جونىندەگى 50 كەڭەس جوباسى اياسىندا «قازاقستاندىق مەدياجەلى» قوعامدىق ۇيىمى. بايلانىس ءنومىرى: +7 777 213 13 67، پروديۋسەر جانە مەدياترەنەر باكتىگۋل بۋربايەۆا.
بۇل ماتەريالدى Internews جۇزەگە اسىرىپ جاتقان «سەرپىندى ورتا ءۇشىن اركەلكى اقپاراتپەن قارىم-قاتىناس جانە توزىمدىلىك (REVIVE)» جوباسى اياسىندا ەۋروپالىق وداق قارجىلاندىرادى. ونىڭ مازمۇنىنا تەك قانا «قازاقستاندىق مەديا جەلى» قوعامدىق بىرلەستىگى جاۋاپتى جانە مىندەتتى تۇردە ەۋروپالىق وداق پەن Internews كوزقاراسىن بىلدىرمەيدى.