«Ashyq» ءموبيلدى قوسىمشاسىن مىندەتتى تۇردە قولدانۋ الىپ تاستالادى.
بۇگىن ق ر پرەمەر-مينيسترىنىڭ ورىنباسارى ەرالى توعجانوۆتىڭ توراعالىعىمەن قازاقستان رەسپۋبليكاسىنىڭ اۋماعىندا كوروناۆيرۋس ينفەكسياسىنىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ وتىرىسى ءوتتى، دەپ حابارلايدى Almaty-akshamy ق ر ۇكىمەتىنىڭ باسپا ءسوز قىزمەتىنە سىلتەمە جاساپ.
ەلدەگى ەپيدەميولوگيالىق جاعدايدىڭ تۇراقتانۋىن ەسكەرە وتىرىپ، قازاقستان رەسپۋبليكاسىنىڭ اۋماعىندا كوروناۆيرۋس ينفەكسياسىنىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ قابىلداعان شەشىمىمەن الىپ تاستالادى:
ءبىرىنشى. ەپيدەميولوگيالىق تاۋەكەلدىڭ «سارى» جانە «جاسىل» ايماقتارىندا ورنالاسقان وڭىرلەردەگى بارلىق وبەكتىلەردە:
- «Ashyq» ءموبيلدى قوسىمشاسىن مىندەتتى تۇردە قولدانۋ؛
- الەۋمەتتىك قاشىقتىقتى ساقتاۋعا قويىلاتىن تالاپتار؛
- مىندەتتى تەرمومەتريا.
ەكىنشى. ەپيدەميولوگيالىق قاۋىپ-قاتەردىڭ بارلىق ايماقتارىندا اشىق اۋادا ماسكالاردى مىندەتتى تۇردە كيۋ.
ءۇشىنشى. COVID-19-عا قارسى ۆاكسينا الماعان قىزمەتكەرلەر ءۇشىن كۇندىزگى رەجيمدەگى جۇمىسقا رۇقسات بەرۋدى شەكتەۋ (قىزمەت كورسەتۋ سالاسىنىڭ وبەكتىلەرى).
ءتورتىنشى. ۆاحتالىق ادىسپەن جۇمىس ىستەيتىن ۇيىمداردىڭ قىزمەتكەرلەرى ءۇشىن ۆاحتاعا كىرۋ جانە شىعۋ كەزىندە پتر ادىسىمەن مىندەتتى زەرتحانالىق تەستىلەۋ.