الماتى پوليسياسى قالتا ۇرىلارىن قولعا ءتۇسىردى

ولار №7 جانە №57 دەگەن ەكى باعىتتا جۇرگەن.

الماتى پوليسياسى قالتا ۇرىلارىن ۇستادى، دەپ حابارلايدى Almaty-akshamy Polisia.kz-كە سىلتەمە جاساپ.

30 جانە 31 جاستاعى ەر ادامدار قالالىق قوعامدىق كولىكتەردە ۇرلىق جاساپ جۇرگەن. ولار №7 جانە №57 دەگەن ەكى باعىتتا جۇرگەن. نەگىزىنەن ايەلدەر مەن مەكتەپ وقۋشىلارىنىڭ قالتاسىن قاققان، ال ەر ادامدارمەن بايلانىسپاعان.

«قاسكويلەر ايعاقتارمەن ۇستالدى. قاربالاس ۋاقىتتا ايەل ادام بىرەۋدىڭ ونىڭ تەلەفونىن قالتاسىنان شىعارىپ العانىن بايقايدى. ول ايقايلاي باستايدى. كۇدىكتىلەر قارسىلىق كورسەتىپ، وقيعا ورنىنان بوي تاسالاۋعا تىرىسقان. الايدا ەكەۋى دە ۇستالىپ، ايعاق رەتىندە ۇيالى تەلەفون تاركىلەنسە، اۆتوبۋستا ورناتىلعان بەينەباقىلاۋ كامەراسىنىڭ دەرەكتەرى دە بۇلتارتپاس دالەل. ولار ۇرلىق دەرەگىن تاركىلەدى. ءقازىر ۋاقىتتا سوتقا دەيىنگى تەرگەۋ امالدارى جۇرگىزىلۋدە. كۇدىكتىلەر قاماۋعا الىندى. سونىمەن قاتار، ۇستالعانداردىڭ وسىعان ۇقساس قىلمىستارعا قاتىسى بار-جوعىن انىقتاپ جاتىرمىز»، – دەدى الاتاۋ اۋداندىق پب جانىنداعى پوليسيا ءبولىمىنىڭ باستىعى قۇماربەك كەنشىنبايەۆ.

سپيكەردىڭ ايتۋىنشا، ۇستالعانداردىڭ ەكەۋى دە بۇرىن وسىعان ۇقساس قىلمىستارى ءۇشىن بىرنەشە رەت سوتتالعان. ءبىرى ءدال قالتا ۇرلىعىمەن اينالىسسا، ەكىنشىسى پاتەر ۇرىسىنان «قالتا ۇرىسىنا» اۋىسقان.

پوليسيا قىزمەتكەرلەرى الماتى قالاسىنىڭ تۇرعىندارى مەن قوناقتارىنا ۇندەۋ سالدى. وسى ازاماتتاردىڭ ارەكەتىنەن زارداپ شەككەندەردىڭ بارلىعىن مىنا تەلەفون نومىرلەرى بويىنشا حابارلاسۋعا شاقىرادى: 8-775-117-00-06؛ 8-747-133-84-44.