كەي وبلىستاردا اۋا رايىنا بايلانىستى ەسكەرتۋ جاريالاندى

بوران سوعىپ، تۇمان تۇسەدى.

قازاقستاننىڭ بەس وبلىسىندا اۋا رايىنا بايلانىستى ەسكەرتۋ جاريالاندى، دەپ حابارلايدى Almaty-akshamy «قازگيدرومەت» رمك-عا سىلتەمە جاساپ.

12 ناۋرىزدا اقتوبە وبلىسىنىڭ سولتۇستىگىندە، شىعىسىندا سولتۇستىك، سولتۇستىك-شىعىستان جەل سوعادى، ەكپىنى 18 م/س، اقتوبەدە سولتۇستىك-شىعىستان جەل سوعادى، كۇندىز ەكپىنى 18 م/س جەتەدى.

باتىس قازاقستان وبلىسىنىڭ وڭتۇستىگىندە تۇمان تۇسەدى. سولتۇستىك-شىعىستان جەل سوعادى، تۇندە وبلىستىڭ باتىسىندا جەل ەكپىنى 15-20 م/س جەتەدى.

قاراعاندى وبلىسىنىڭ وڭتۇستىك-باتىسىندا تۇمان، كوكتايعاق، سولتۇستىكتە بۇرقاسىن بولۋى ىقتيمال. شىعىس، سولتۇستىك-شىعىستان جەل سوعادى، تۇندە جانە تاڭەرتەڭ وبلىستىڭ سولتۇستىگىندە ەكپىنى 15-20 م/س-كە جەتەدى.

قىزىلوردا وبلىسىنىڭ باسىم بولىگىندە كۇندىز جاۋىن-شاشىن (جاڭبىر، قار) بولادى. وبلىستىڭ سولتۇستىگىندە كوكتايعاق بولادى. وبلىس ورتالىعىندا تۇمان تۇسەدى. قىزىلوردادا تۇمان تۇسەدى.

سولتۇستىك قازاقستان وبلىسىنىڭ وڭتۇستىگىندە بوران سوعادى. وبلىستىڭ باتىسىندا تۇمان كۇتىلەدى. وبلىستىڭ وڭتۇستىك-باتىسىندا شىعىستان جەل سوعادى، ەكپىنى 15-20 م/س جەتەدى.