بۇل ددسۇ باسشىسى تەدروس ادحانوم گەبرەيۋستىڭ ءسوزى.
ددسۇ كوروناۆيرۋستىڭ «وميكرون» شتامىنىڭ BA.4 جانە BA.5 ەكى جاڭا كىشى تۇرىنە مونيتورينگ جۇرگىزۋدە، دەپ حابارلايدى Almaty-akshamy.kz COVID-19 تارالۋىنا جول بەرمەۋ جونىندەگى ۆاك-تىڭ تەلەگرام كانالىنا سىلتەمە جاساپ.
ۇيىم قىزمەتكەرلەرى ولاردىڭ قانشالىقتى جۇقپالى ەكەنىن انىقتاۋدا.
سونىمەن قاتار ددسۇ باسشىسى تەدروس ادحانوم گەبرەيۋس الەمدەگى COVID-19 پاندەمياسىنىڭ ءالى اياقتالماعانىن جەتكىزدى.
ول سوڭعى اپتاداعى COVID-19 بويىنشا ءولىم-جىتىم كورسەتكىشىن پاندەميانىڭ ەكى جىلىنداعى ەڭ تومەنگى دەڭگەي ەكەنىن اتاپ ءوتتى، ءبىراق ۆيرۋس وتە جۇقپالى جانە «ەۆوليۋسياسى جالعاسۋدا».