وسىعان بايلانىستى ءقازىر وبلىس اكىمدىكتەرىمەن مەموراندۋم جاسالىپ جاتىر.
ەلىمىزدە ءوڭىر اكىمدىكتەرىمەن الەۋمەتتىك نان باعاسىن 90 تەڭگەدەن اسىرماۋ جونىندە مەموراندۋم جاسالىپ جاتىر، دەپ حابارلايدى Almaty-akshamy.kz
بۇل تۋرالى ق ر اۋىل شارۋاشىلىعى مينيسترلىگى اگرارلىق ازىق-تۇلىك نارىقتارى جانە اۋىل شارۋاشىلىعى ءونىمىن قايتا وڭدەۋ دەپارتامەنتىنىڭ ديرەكتورى نازگۇل حاتەپوۆا ءمالىم ەتتى.
«وزدەرىڭىز بىلەتىندەي، ناننىڭ بىرنەشە ءتۇرى بار. سونىڭ ىشىندە مينيسترلىك الەۋمەتتىك نان باعاسىن عانا باقىلاي الادى. ءقازىر ازىق-تۇلىك كورپوراسياسىندا بار بيدايمەن ىشكى نارىقتى قامتۋ شاراسى ءجۇرىپ جاتىر. بۇگىندە بيداي تونناسىنىڭ ورتاشا باعاسى - 150-160 مىڭ تەڭگە، ال كورپوراسيا باعانى ءتۇسىرىپ، تونناسىن 90 مىڭ تەڭگەگە ساتىپ جاتىر. وسىلايشا، وڭىرلەرگە ارزان باعامەن 36 مىڭ توننا بيدايدى جەتكىزۋ جۇمىسى باستالىپ كەتتى. ءوڭىر اكىمدىكتەرىنەن بىزگە كەلىپ تۇسكەن وتىنىشتەرگە سايكەس، قاڭتاردان قىركۇيەككە دەيىنگى ارزان بيدايعا دەگەن سۇرانىس - 275 مىڭ توننا»، - دەدى نازگۇل حاتەپوۆا ورتالىق كوممۋنيكاسيالار قىزمەتى الاڭىندا بولعان باسپا ءسوز ءماسليحاتىندا.
اۋىل شارۋاشىلىعى مينيسترلىگى وكىلىنىڭ ايتۋىنشا، نان باعاسىن بەلگىلەنگەن مەجەدە ۇستاپ تۇرۋ جەرگىلىكتى اتقارۋشى ورگاندارعا جۇكتەلەدى.
«ءوڭىر اكىمدىكتەرى ازىق-تۇلىك تۇلىك كورپوراسياسىنان بيدايدى ارزان باعامەن الىپ، جەرگىلىكتى ۇن وندىرەتىن مەكەمەلەرمەن كەلىسىم جاساسادى. اتالعان كەلىسىمنىڭ نەگىزىندە الەۋمەتتىك ناننىڭ باعاسى 90 تەڭگەدەن اسپاۋى ءتيىس. وسى ورايدا، ءقازىر وبلىس اكىمدىكتەرىمەن مەموراندۋم جاسالىپ جاتىر، ياعني ءبىز بيدايمەن قامتاماسىز ەتسەك، جەرگىلىكتى اتقارۋشى ورگاندار نان باعاسىنىڭ تۇراقتىلىعىن قامتاماسىز ەتۋگە جاۋاپتى بولادى»، - دەيدى ول. بۇعان دەيىن مينيسترلىك الەۋمەتتىك ناننىڭ باعاسىن قىمباتتاتۋعا ەش نەگىز جوقتىعىن ايتقان بولاتىن. سونىمەن قاتار، الەمدە بيداي مەن ۇننىڭ قىمباتتاۋى قازاقستان نارىعىنا اسەر ەتپەيتىنى ايتىلدى. ودان بولەك، ەلىمىزدە بيداي مەن ۇن ەكسپورتىنا شەكتەۋ قويىلدى.