وڭتۇستىك افريكا عالىمدارى 2021 جىلدىڭ قاراشاسىندا كوۆيد-19 ۆيرۋسىنىڭ B.1.1.529 دەپ اتالاتىن جاڭا شتامى تابىلعانى تۋرالى حابارلادى.
ازىرگە زەرتتەۋلەر "Omicron" بەلگىلەرى ۆيرۋستىڭ بۇرىنعى شتامدارىمەن بىردەي ەكەنىن كورسەتەدى، دەپ حابارلايدى Almaty-akshamy.kz Lisa.ru سايتىنا سىلتەمە جاساپ.
كوۆيد-19 ۆيرۋسى ەكىنشى جىل مۋتاسياعا ۇشىراپ جاتىر. "Omicron" – وڭتۇستىك افريكا عالىمدارى العاش رەت انىقتاعان جاڭا مۋتاسيا.
وڭتۇستىك افريكا عالىمدارى 2021 جىلدىڭ قاراشاسىندا كوۆيد-19 ۆيرۋسىنىڭ B.1.1.529 دەپ اتالاتىن جاڭا شتامى تابىلعانى تۋرالى حابارلادى. دۇنيەجۇزىلىك دەنساۋلىق ساقتاۋ ۇيىمى (ددسۇ) ۆيرۋس شتامدارىنا سىلتەمە جاساۋ ءۇشىن گرەك نومەنكلاتۋراسىن پايدالانۋ داستۇرىنە سۇيەنە وتىرىپ، ونى "وميكرون" دەپ اتادى. "Omicron"-عا دەيىنگى شتامدار الفا، بەتا، گامما، دەلتا نۇسقاسى جانە ت.ب. اتالعان. ولاردىڭ سانى وتە كوپ، ولاردىڭ بارلىعى بىردەي كەڭ رەزونانس تۋدىرمايدى. جاڭا نۇسقادا ("Omicron") گرەك ءالىپبيىنىڭ ەكى ءارپى «Nu’ مەن «Xi» الىنىپ تاستالدى.
بۇل نۇسقانىڭ شىعۋ تاريحى تۋرالى ايتاتىن بولساق، وڭتۇستىك افريكا ساراپشىلارى 2021 جىلدىڭ 2 جەلتوقسانىندا "Omicron"-نىڭ شىعۋ تەگى بەلگىسىز ەكەنىن حابارلادى. ەكىنشى جاعىنان، Livescience جاريالاعان تەوريالارعا سايكەس، "Omicron" نۇسقاسى العاش رەت كەمىرگىشتەردە پايدا بولعان بولۋى مۇمكىن دەپ سانالادى. قايسىسى دۇرىس بولسا دا، ازىرگە شتامم تۋرالى كوپ نارسە بەلگىسىز جانە ودان ءارى زەرتتەۋلەر جۇرگىزىلۋدە. "Omicron"-نىڭ دەنساۋلىققا تيگىزەتىن اسەرىن دۇنيە جۇزىندەگى عالىمدار ءالى دە سىناپ جاتىر، ءبىراق وڭتۇستىك افريكاداعى COVID-19 ءۇشىن وڭ سىناقتاردىڭ سانى بۇل جاڭا شتامم وتە تەز تارالىپ جاتقانىن كورسەتەدى.
Omicron بىزگە قالاي اسەر ەتەدى؟
"Omicron"-نىڭ تارالعانى بەلگىلى بولسا دا، ونىڭ قاننشالىقتى ءقاۋىپتى ەكەنىن ءازىر بىلە قويعان جوقپىز. ەڭ قيىنى – بۇل شتاممەن بۇرىن كوۆيد ينفەكسياسىن جۇقتىرعان ادامدار دا اۋرۋى مۇمكىن. دەگەنمەن بۇل ۆيرۋس بۇرىن اۋىرعانداردا جەڭىلىرەك وتەدى دەپ بولجاندى.
سونداي-اق، "Omicron" شتامىنىڭ يممۋندىق جۇيەدەن جالتارىپ، ۆاكسينالىق ينفەكسيالاردى (ۆاكسيناسيادان كەيىنگى ينفەكسيا) تۋدىراتىن قابىلەتى بار دەگەن الاڭداۋشىلىق بار.
شتامنىڭ اۋىرلىعى تۋرالى ناقتىراق بىردەڭە ايتۋ ءالى ەرتە. دەگەنمەن، دۇربەلەڭنىڭ قاجەتى جوق، بارلىق قاۋىپسىزدىك شارالارىن ساقتاۋ ماڭىزدىراق.
"Omicron" "Delta" شتامىنان قالاي ەرەكشەلەنەدى؟
ءۇندىستاندا تابىلعان COVID-19 "دەلتا" نۇسقاسى كوپ شۋ شىعارىپ، پاندەميانىڭ تاعى ءبىر تولقىنىن تۋدىردى. ول ءوزىنىڭ ەرەكشە بەلگىلەرىمەن (مىسالى، اسقازاننىڭ بۇزىلۋى) جانە اۋرۋدىڭ اعىمىنىڭ اۋىرلىعىمەن ەرەكشەلەنەدى (بۇل شتامنان ءولىم كوپ بولدى).
زەرتتەۋلەرگە سايكەس، "Omicron" "Delta"-عا قاراعاندا تەزىرەك تارالادى، بۇل، ارينە، الاڭداۋشىلىق تۋدىرادى. دەگەنمەن، قايتا جۇقتىرۋ ىقتيمالدىعى جوعارى بولسا دا، اۋرۋدىڭ ءوتۋ بارىسى جەڭىل بولادى.
"وميكرون" بەلگىلەرى
وسى ۋاقىتقا دەيىن COVID-19-نىڭ وميكروندىق نۇسقاسىنان زارداپ شەككەن ادامداردا بايقالعان ەرەكشە بەلگىلەر تۋرالى مالىمەت بولعان جوق. ازىرگە زەرتتەۋلەر "Omicron" بەلگىلەرى ۆيرۋستىڭ بۇرىنعى شتامدارىمەن بىردەي ەكەنىن كورسەتەدى. ءجيى كەزدەسەتىن بەلگىلەردىڭ كەيبىرى دىرىلدەۋ، السىزدىك، ءيىس سەزبەۋ، ەنتىگۋ، كەۋدەنىڭ اۋىرۋى جانە ءدامنىڭ جوعالۋى، تاماق اۋرۋى، جوتەل، ءىشتىڭ اۋىرۋى مەن ديارەيا.
"Omicron" شتامىن قانداي تەست انىقتاي الادى؟
جاڭا شتامم ستاندارتتى SARS-CoV-2 RT-PCR دياگنوستيكالىق سىناعى ارقىلى انىقتالۋى مۇمكىن. ونى انىقتاۋعا ارنالعان باسقا سىناقتاردىڭ تيىمدىلىگىن ءتۇسىنۋ ءۇشىن عالىمدار ءقازىر زەرتتەۋلەر جۇرگىزۋدە.
قالاي قورعانۋعا بولادى؟
قازىرگى ۋاقىتتا قاۋىپسىزدىكتى ساقتاۋدىڭ ەڭ جاقسى جولى - ددۇ بەكىتكەن نەگىزگى ەرەجەلەردى ساقتاۋ:
بۇرىن سالدىرماعان بولساڭىز، ۆاكسيناسيا سالدىرىڭىز،
اراقاشىقتىقتى ساقتاڭىز،
مۇمكىندىگىنشە ساياحاتتاۋدى كەيىنگە قالدىرىپ، كوپ ادامدار جينالاتىن جەردەن اۋلاق بولىڭىز،
ماسكا كيىڭىز، اسىرەسە، بەيتانىس ادامدارمەن قارىم-قاتىناس جاساعاندا،
گيگيەنا ەرەجەلەرىن ساقتاڭىز،
اۋرۋدىڭ قانداي دا ءبىر بەلگىلەرى بايقالسا، (دىرىلدەۋ، السىزدىك، تاماق اۋرۋى) ەلەۋسىز قالدىرماي، دەرەۋ دارىگەرگە بارىڭىز.
"Omicron" تۋرالى ءجيى كەزدەسەتىن 4 سۇراق
- ۆاكسينالاۋ "Omicron"-دان قۇتقارا ما؟
عالىمداردىڭ پىكىرىنشە، جاڭا شتامعا قارسى ۆاكسينالاردىڭ تيىمدىلىگى تۋرالى مالىمدەمە جاساۋعا ءالى ەرتە. سونىمەن قاتار، كوۆيدتىڭ جاڭا نۇسقاسىنا قارسى قولدانىستاعى ۆاكسينالاردىڭ تيىمسىزدىگى تۋرالى دا ەشقانداي دالەل جوق.
- "Omicron"-نىڭ كەسىرىنەن تاعى دا كارانتينگە جابىلۋ ءقاۋپى بار ما؟
ازىرگە ونداي قاجەتتىلىك جوق. دەگەنمەن، ۆيرۋستان قورعاۋدىڭ بارلىق ءداستۇرلى نۇسقاۋلارىن ورىنداپ، مۇمكىندىگىنشە تەزىرەك ۆاكسينالاۋ الۋ ۇسىنىلادى.
- "وميكرون" ۆيرۋسى پاندەمياعا نۇكتە قويا الا ما؟
كەيبىر ساراپشىلار "Omicron"-عا شالدىعۋ سالىستىرمالى تۇردە جەڭىل وتەتىندىكتەن، بۇل بولاشاقتا پاندەميانىڭ اياقتالۋىنا اكەلۋى مۇمكىن دەپ سانايدى. ءبىراق بۇل تۋرالى ءالى ناقتى دالەل جوق. تاجىريبە كورسەتكەندەي، ۆيرۋستىڭ قالاي دامىپ جاتقانىن ءتۇسىنۋ ءۇشىن شامامەن التى اي بويى باقىلاۋ قاجەت.
- "Omicron" ۆيرۋسىنىڭ ساياحاتتاۋعا اسەرى بولا ما؟
"Omicron" شتامى تۋرالى حابارلامالاردان كەيىن دەنساۋلىق ساقتاۋ سالاسىنىڭ ماماندارى حالىقارالىق باعىتتاعى جولاۋشىلار ءۇشىن ارنايى ساياحاتتاۋ نۇسقاۋلارىن ازىرلەدى. بىرنەشە مەملەكەت شەكارالارىن جاۋىپ تاستادى. ازىرگە اشىق ەلدەرگە ساياحاتتاۋعا بولادى (كىرۋ جانە شىعۋ شارتتارىن ءبىلۋ ماڭىزدى)، ءبىراق ءبارىبىر مۇمكىندىگىنشە اباي بولىپ، ساقتىق شارالارىن ەسكەرۋ كەرەك.