كوروناۆيرۋستىق ينفەكسيانى جۇقتىرعاننان كەيىن بىرنەشە اپتا بويى قانت ديابەتى دياگنوزىنا تاپ بولۋ ىقتيمالدىعى جوعارىلايدى.
لوندون كورولدىك كوللەدجىنىڭ عالىمدارى وسىنداي تۇجىرىمعا كەلدى. COVID-19 ناۋقاستارىندا قانت ديابەتى جانە كەيبىر جۇرەك-تامىر اۋرۋلارى دياگنوزىنىڭ پايدا بولۋ ءقاۋپى جوعارى، دەپ حابارلايدى Almaty-akshamy.kz COVID-19 تارالۋىنا جول بەرمەۋ جونىندەگى ۆاك Telegram كانالىنا سىلتەمە جاساپ.
ۇلىبريتانيادا جۇرگىزىلگەن اۋقىمدى زەرتتەۋ كورسەتكەندەي، بۇل ءقاۋىپ العاشقى ينفەكسيا دامىعاننان كەيىن بىرنەشە اپتا بويى ساقتالادى. ماسەلەن، اريتميا جانە وكپە قان ۇيىعىشتارى سياقتى جۇرەك پەن ءقانتۇزۋ جۇيەسى جۇمىسىنىڭ بۇزىلۋ ءقاۋپى كوروناۆيرۋسپەن اۋىراتىن ناۋقاستاردا، اۋىرماعاندارمەن سالىستىرعاندا 6 ەسە جوعارى بولدى. ءبىر جىنىستاعى جانە جاستاعى ادامدار سالىستىرىلدى. زەرتتەۋشىلەر انىقتاعانداي، ءبىر اي ىشىندە كوروناۆيرۋستى جۇقتىرعاننان كەيىن قانت ديابەتىمەن اۋىرۋ ىقتيمالدىعى 80%-كە ارتتى. ولار 400 000-نان استام كوروناۆيرۋس پاسيەنتتەرىنىڭ مەديسينالىق تاريحىن تالداپ، ينفەكسيادان جالتارعان ادامداردىڭ دەنساۋلىعىن قاداعالادى. بارلىعى كەلەسى 12 ايدا جۇرەك-تامىر اۋرۋلارىنا، سونداي-اق قانت ديابەتىنە تەكسەرىلدى.
ميكرونەزيا فەدەرالدى شتاتتارىندا كوروناۆيرۋستى جۇقتىرۋدىڭ العاشقى جاعدايلارى تىركەلگەن. كوۆيد جۇقتىرعان ناۋقاستار ءتورت ايماقتىڭ ەكەۋىندە انىقتالدى. بيلىك ازاماتتاردى كوپ جينالماۋعا، مەديسينالىق بەتپەردە تاعۋعا جانە ۆاكسيناسيا الۋعا شاقىردى. شەنەۋنىكتەر ميكرونەزيا اۋماعىندا كوۆيدتىڭ تارالۋىنا قارسى ءىس-قيمىل جوسپارىن ازىرلەۋگە، سونداي-اق مەملەكەت اۋماعىنا كەلگەن بارلىق ازاماتتار ءۇشىن كارانتيندى ۇزارتۋ تۋرالى شەشىم قابىلداۋعا نيەتتى. وسى ۋاقىتقا دەيىن ميكرونەزيادا كوروناۆيرۋس ينفەكسياسى انىقتالماعان بولاتىن.