تۇرعىنداردان ءوتىنىش قابىلداۋ 20 شىلدەدە اياقتالدى.
«حالىقتىڭ بيۋدجەتكە قاتىسۋى» باعدارلاماسىنا ءوتىنىش قابىلداۋ كەزەڭى اياقتالدى. بيىل قالا تۇرعىندارىنان 1251 جوبالىق ۇسىنىس ءتۇستى. وتكەن جىلمەن سالىستىرعاندا كەلىپ تۇسكەن وتىنىشتەردىڭ سانى 33 پايىزعا كوبەيگەن، دەپ حابارلايدى Almaty-akshamy.kz.
2019 جىلى الماتى اكىمدىگى قازاقستاندا العاش رەت «حالىقتىڭ بيۋدجەتكە قاتىسۋى» پيلوتتىق جوباسىن جۇزەگە اسىرۋدى باستاعان بولاتىن. مۇنداعى ماقسات – تۇرعىنداردىڭ ءوز ۇسىنىستارى مەن باستامالارى نەگىزىندە قالا اۋداندارىن اباتتاندىرۋ. 2019 جىلى الماتى تۇرعىندارىنان 333 ۇسىنىس، 2020 جىلى 795 ءوتىنىش تۇسكەن. 2021 جىلى الماتىلىقتار 934 ۇسىنىس جىبەردى.
وسى جىلدىڭ 1 ماۋسىمىندا الماتىدا «حالىقتىڭ بيۋدجەتكە قاتىسۋى» باعدارلاماسى اياسىندا 2023 جىلى جۇزەگە اسىرىلۋى جوسپارلانعان جوبالىق ۇسىنىستارعا ءوتىنىش قابىلداۋ باستالعان بولاتىن. تۇرعىنداردان ءوتىنىش قابىلداۋ 20 شىلدەدە اياقتالدى. ءوتىنىش بەرۋ بويىنشا كوشباسشىلار: الاتاۋ اۋدانى (204) جانە المالى (171) اۋداندارى.
الماتى قالاسىنىڭ اۋداندارى بويىنشا جوبالىق ۇسىنىستاردىڭ سانى:
|
№ |
اۋدان |
سانى |
|
1 |
الاتاۋ اۋدانى |
204 |
|
2 |
المالى اۋدانى |
171 |
|
3 |
اۋەزوۆ اۋدانى |
163 |
|
4 |
بوستاندىق اۋدانى |
165 |
|
5 |
جەتىسۋ اۋدانى |
127 |
|
6 |
مەدەۋ اۋدانى |
128 |
|
7 |
ناۋرىزباي اۋدانى |
129 |
|
8 |
تۇركسىب اۋدانى |
164 |
|
جالپى قورىتىندى |
1251 |
|
|
|
|
|
تۇرعىنداردان اۋلالار مەن قوعامدىق پايدالانۋ ورىندارىن اباتتاندىرۋ بويىنشا ۇسىنىستار كوپ ءتۇستى. ولاردىڭ ىشىندە سپورت جانە بالالار الاڭدارىن ورناتۋ-371، كۇركەلەر مەن ورىندىقتار، قوقىس جاشىكتەرىن ورناتۋ جانە جوندەۋ – 324. ودان كەيىن ساياباقتار مەن گۇلزارلاردى جاساۋعا، جوندەۋگە، كوشە جارىعىن ورناتۋعا، تروتۋارلار سالۋعا، كوگالداندىرۋ مەن قوقىس تاستايتىن جەرلەردى جويۋعا باعىتتالعان جوبالار قامتىلعان.
ءقازىر باعدارلامانىڭ 2 كەزەڭى باستالدى. 21 شىلدە مەن 12 تامىز ارالىعىندا ساراپشىلار كەڭەسى وتىنىتەردىڭ كريتەرييلەرگە سايكەستىگىن باعالاۋدى جانە الدىن الا رۇقسات بەرۋ حاتتاماسىن جاريالاۋدى جۇرگىزەتىن بولادى. جوبالىق ۇسىنىستاردى پىسىقتاۋ ءۇشىن اۆتورلارعا 10 كۇنتىزبەلىك كۇن بەرىلەدى. كەلىپ تۇسكەن وتىنىمدەر ساراپتامالىق ىرىكتەۋدەن جانە جالپى قالالىق داۋىس بەرۋدەن كەيىن 2023 جىلى ىسكە اسىرىلاتىن بولادى. تولىعىراق اقپارات جوبانىڭ سايتىندا https://budget.open-almaty.kz.