لاتۆيا پرەزيدەنتى كوروناۆيرۋس جۇقتىرعان.
بۇۇ-نىڭ اقپاراتى بويىنشا، پاندەميانىڭ كەسىرىنەن 160 ميلليونعا جۋىق ادام اش قالعان، دەپ حابارلايدى Almaty-akshamy.kz COVID-19 تارالۋىنا جول بەرمەۋ جونىندەگى ۆاك-تىڭ تەلەگرام كانالىنا سىلتەمە جاساپ.
فرانسيا COVID-19 سالدارىنان توتەنشە جاعدايدى 2022 جىلدىڭ 31 شىلدەسىنە دەيىن ۇزارتۋعا نيەتتى، دەپ حابارلادى ەل ۇكىمەتى. بۇل ءوز كەزەگىندە بيلىك ورگاندارىنىڭ مەيرامحانالار، بارلار جانە كينوتەاترلارعا كىرۋ ءۇشىن سانيتارلىق رۇقساتتامالاردى پايدالانۋ سياقتى شەكتەۋ شارالارىن ۇزارتۋعا مۇمكىندىك بەرەدى.
لاتۆيا پرەزيدەنتى ەگيلس ليەۆيتس كوروناۆيرۋسقا وڭ جەدەل تەست تاپسىردى. بۇل تۋرالى پرەزيدەنتتىڭ باسپا ءسوز قىزمەتى حابارلادى. كوروناۆيرۋسقا بايلانىستى ەگيلس ليەۆيتس ريگاعا كەلگەن ەستونيانىڭ جاڭا پرەزيدەنتى الار كاريسپەن جوسپارلانعان كەزدەسۋدى كەيىنگە قالدىردى.
بۇۇ-دا پاندەمياعا بايلانىستى 160 ميلليونعا جۋىق ادام اشتىققا تاپ بولعانىن حابارلادى. سونىمەن قاتار، 120 ملن. جۋىق ادام كەدەيلىككە ۇشىرادى، ال 100 ملن. بالا ءبىلىم الۋدا قيىندىقتارعا تاپ بولدى، دەپ اتاپ ءوتتى ۇيىمنىڭ باس حاتشىسى انتونيو گۋتەرريش.