قازاقستان جاسوسپىرىمدەرگە ارنالعان «سپۋتنيك م» ۆاكسيناسىن قولدانۋدى ماقۇلدادى.
ۇلىبريتانيا ەرتەڭنەن باستاپ مىندەتتى تۇردە وقشاۋلاۋ ءتارتىبى كۇشىن جويادى، دەپ حابارلايدى Almaty-akshamy.kz Covid-19 تارالۋىنا جول بەرمەۋ جونىندەگى ۆاك-تىڭ تەلەگرام كانالىنا سىلتەمە جاساپ.
ۇلىبريتانيادا 24 اقپاننان باستاپ كوۆيدكە ارنالعان سىناقتىڭ وڭ ناتيجەسى بەلگىلى بولعان جاعدايدا مىندەتتى تۇردە وقشاۋلاۋ ءتارتىبى كۇشىن جويادى. سونىمەن قاتار، 1 ساۋىردەن باستاپ بيلىك كوروناۆيرۋسقا ارنالعان تەگىن سىناقتاردان باس تارتادى. سونداي-اق، پرەمەر-مينيستر دجونسون «قالىپتى جاعدايعا ورالۋ» - حالىقتى ۆاكسيناسيالاۋ ناۋقانىنسىز مۇمكىن ەمەس دەپ مالىمدەدى.
گرۋزيادا 1 ناۋرىزدان باستاپ پاندەمياعا بايلانىستى 2020 جىلدان باستاپ جۇمىس ىستەيتىن كارانتيندىك كەڭىستىكتەر جابىلادى. بۇل - كوروناۆيرۋس جۇقتىرعان ادامدار ورنالاستىرىلعان قوناق ۇيلەر. سونىمەن بىرگە، رەسپۋبليكا بيلىگى قوعامدىق ورىندارعا كەلۋشىلەردىڭ مىندەتتى تەرموسكرينينگىن، سونداي-اق دەزكەدەرگىلەردى جويۋ تۋرالى شەشىم قابىلدادى.
قازاقستان جاسوسپىرىمدەرگە ارنالعان كوروناۆيرۋسقا قارسى «سپۋتنيك م» ۆاكسيناسىن قولدانۋدى ماقۇلدادى. قازاقستان وسى پرەپاراتتى قولدانۋدى ماقۇلداعان العاشقى شەت مەملەكەت بولدى. «سپۋتنيك م» ۆاكسيناسى 12-17 جاستاعى جاسوسپىرىمدەرگە ارنالعان. ونىڭ «سپۋتنيك V» - دەن ايىرماشىلىعى - ادەنوۆيرۋستىق بولشەكتەردىڭ كونسەنتراسياسىنىڭ بەس ەسە تومەندىگى.