بۇل ساۋالعا دارىگەر-لارينگولوگ جاۋاپ بەردى.
تاماعى اۋىرىپ تۇرعاندا مۇزداي سۋىق بالمۇزداق جەيتىندەر بار. ولار وسى ارقىلى تاماقتىڭ قابىنۋى مەن اۋىرۋىن جەڭىلدەتۋگە بولادى دەپ سانايدى. رەسەيلىك ماماننىڭ ايتۋىنشا، بۇلاي جاساۋ - قاتە. الايدا ول سۋىقتىڭ تامىرلاردىڭ سپازمىنا اكەلىپ، ول قابىنۋ پروسەسىندە كومەكتەسەتىنىن اتاپ ءوتتى. ال باسقا جاعىنان العاندا، اسا توڭازىتۋ ناۋقاستىڭ جالپى جاعدايىنا كەرى اسەر ەتۋى مۇمكىن، دەپ حابارلايدى Almaty-akshamy.kz ءتىلشىسى رەن- تۆ سايتىنا سىلتەمە جاساپ.
«بۇل جەردە اڭگىمە بالمۇزداقتىڭ بىرەۋگە كومەكتەسۋى مۇمكىن، ءبىراق ەندى بىرەۋلەر ءۇشىن ونشا ەمەس بولۋى مۇمكىن ەكەندىگىندە. كەز كەلگەن سۋىقتىڭ قان تامىرلارىنىڭ سپازمىنا اكەلەتىنىن جاقسى بىلەمىز. ال بالمۇزداق، جەمىس مۇزىن نەمەسە وتە سۋىق، مۇزدى نارسەنى جەگەن ادام جۇتقىنشاقتىڭ، قان تامىرلارىنىڭ، تاڭداي بەزدەرىنىڭ ارتقى جاعىنداعى شىرىشتى قابىقشانىڭ ءتۇيىلۋىن تۋدىرادى جانە ول قابىنۋدان قورعايدى دەلىك. ءبىراق ەگەر قابىنۋ پروسەسى باستالىپ كەتكەن بولسا، اسا توڭازىتۋ كومەكتەسىپ قانا قويماي، زيان تيگىزۋى مۇمكىن»، - دەدى زايسيەۆ.
دارىگەر تاماقتارى اۋىرىپ تۇرعان ادامدارعا سۋىق تاماقتى جەمەۋگە كەڭەس بەرەدى. مۇنداي جاعدايدا ناۋقاسقا تاماق تەمپەراتۋراسى قولايلى بولاتىنداي "اياۋلى" ديەتا ۇستاعان ءجون. ءتىپتى تاماق قاتتى اۋىرماسا دا، جىلى اس مازىرىنە كوشۋ كەرەك. مۇنداي جاعدايدا شىرىشتى قاباتقا زاقىم كەلمەيدى، قابىنۋ بارىسى دا اۋىر بولمايدى. الايدا قاتتى ىستىق اس ءىسىندىرۋى مۇمكىن، سوندىقتان تاعامنىڭ تەمپەراتۋراسى قولايلى ءارى ەشبىر دامدەۋىشتەرسىز بولۋى ءتيىس.
ساراپشى دەنى ساۋ ادامعا ازداعان مولشەردە بالمۇزداق جەپ تۇرۋ پايدالى ەكەنىن ايتادى. باستىسى، ونى جەگەن كەزدە ازداعان بولىكتەرمەن جەۋ كەرەك.