قازاقستاندا 2022 جىلدىڭ 5 قاڭتارىنان باستاپ جەكەلەگەن وبەكتىلەردىڭ قىزمەتىنە ەنگىزىلەتىن جاڭا شەكتەۋلەر كۇشىنە ەنەدى.
چەرنوگوريا بيلىگى 2 قاڭتاردان باستاپ ۆاكسينالانباعان جانە كوروناۆيرۋسپەن اۋىرماعان شەتەلدىك ازاماتتاردىڭ ەلگە كىرۋىنە تىيىم سالادى، دەپ حابارلايدى Almaty-akshamy.kz Covid-19 تارالۋىنا جول بەرمەۋ جونىندەگى ۆاك-تىڭ تەلەگرام كانالىنا سىلتەمە جاساپ.
بۇل رەتتە ۆاكسينانىڭ ەكىنشى دوزاسىن العان ساتتەن باستاپ التى ايدان اسپاۋى ءتيىس. سونداي-اق، چەرنوگورياعا كوروناۆيرۋستان ساۋىققاننان كەيىن 10 كۇنگە بەرىلەتىن انىقتامامەن جانە پتر تەستىنىڭ وڭ ناتيجەسىنەن باستاپ 180 كۇننەن اسپايتىن مەرزىمگە بەرىلگەن انىقتامامەن كىرۋگە بولادى.
«سپۋتنيك لايت» ۆاكسيناسىن ءتۋنيستىڭ دەنساۋلىق ساقتاۋ مينيسترلىگى سovid-19-دان امبەباپ كۇشەيتكىش رەتىندە تىركەدى، دەپ حابارلايدى رتيق. پرەپارات كۇشەيتكىش رەتىندە «وميكرون» شتامىنا قارسى انتيدەنەلەردىڭ ۆيرۋستىق بەيتاراپتاندىرعىش بەلسەندىلىگىن ەداۋىر ارتتىراتىنى اتاپ ءوتىلدى.
الەم بويىنشا انىقتالعان جاعدايلاردىڭ تاۋلىكتىك ءوسىمى رەكوردتىق دەڭگەيدە قالىپ وتىر، 1،7 ميلليوننان استام جاعداي. سونىمەن قاتار كۇندەلىكتى انتيرەكوردتار فرانسيا، ۇلىبريتانيا، يتاليا، ارگەنتينا، گرەسيا جانە پورتۋگاليادا تىركەلگەن.
اقش دەنساۋلىق ساقتاۋ مينيسترلىگى اۋرۋحانالارداعى رەانيماسيا بولىمشەلەرىنىڭ تولىپ جاتقانىن مالىمدەدى. ءقازىر ستاسيونارلىق ەمدە 579 000 ادام (ەلدىڭ توسەك قورىنىڭ 77،25%) جاتىر، ونىڭ 90،7 مىڭى كوروناۆيرۋس ينفەكسياسىنان ەيدەلۋدە. دجوردج ۆاشينگتون ۋنيۆەرسيتەتىنىڭ دوكتورى دجەيمس فيلليپس: «قازىرگى كۇردەلى جاعداي جان ساقتاۋ بولىمدەرىنىڭ جۇكتەمەسىن بىرنەشە ەسەگە ارتتىرىپ وتىر»، - دەدى. ول بالالاردىڭ اۋرۋحاناعا جاتقىزۋ كورسەتكىشى بۇكىل پاندەميا كەزىندەگى ەڭ جوعارى دەڭگەيگە جەتكەنىن اتاپ ءوتتى. ورتا ەسەپپەن ءبىر اپتادا اۋرۋحاناعا تاۋلىگىنە 378 بالا ءتۇستى.
شۆەيساريا بيلىگى وتكەن تاۋلىكتە كوروناۆيرۋس ينفەكسياسىنىڭ ەڭ جوعارى دەڭگەيىنىڭ تىركەلگەندىگى تۋرالى حابارلادى. 19 032 سovid-19 ينفەكسياسىن جۇقتىرۋ دەرەگى جانە 129 ادامنىڭ اۋرۋحاناعا ءتۇسۋى پاندەميا باستالعاننان بەرگى انتيرەكورد. فەدەرالدى بيلىكتىڭ مالىمەتىنشە، سوڭعى 24 ساعات ىشىندە 23 ادام قايتىس بولدى. اۋرۋحانالاردى تولتىرۋ دەڭگەيى 75،9% قۇرايدى. ساراپشىلار شۆەيساريادا COVID-19 جاعدايلارىن انىقتاۋدىڭ كۇرت ءوسۋى روجدەستۆولىق مەرەكەلەر كەزەڭىمەن بايلانىستى بولۋى مۇمكىن دەيدى.