اۋا رايىنا بايلانىستى ەسكەرتۋ جاريالاندى.
قازاقستاننىڭ ءۇش وبلىسىندا اۋا رايىنا بايلانىستى ەسكەرتۋ جاريالاندى، دەپ حابارلايدى Almaty-akshamy.kz «قازگيدرومەت» رمك-عا سىلتەمە جاساپ.
1 قاڭتاردا ماڭعىستاۋ وبلىسىنىڭ باسىم بولىگىندە تۇمان تۇسەدى. كۇندىز ءوڭىردىڭ سولتۇستىك-باتىسىندا كوكتايعاق بولۋى ىقتيمال. وڭتۇستىك-شىعىستان جەل سوعادى، كۇندىز وبلىستىڭ سولتۇستىك-باتىسىندا جەلدىڭ ەكپىنى 15-20 م/س جەتەدى.
اتىراۋ وبلىسىنىڭ باتىسىندا، وڭتۇستىگىندە جانە ورتالىعىندا تۇمان، كوكتايعاق بولادى. اتىراۋ قالاسىندا دا تۇمان، كوكتايعاق.
باتىس قازاقستان وبلىسىنىڭ سولتۇستىك-باتىسىندا كوكتايعاق بولىپ، تۇمان تۇسەدى. جەل وڭتۇستىك-باتىستان سوعادى، كۇندىز وبلىستىڭ سولتۇستىك-شىعىسىندا جەلدىڭ جىلدامدىعى 15-20 م/س جەتەدى. ورال قالاسىندا كوكتايعاق. تۇندە جانە تاڭەرتەڭ تۇمان تۇسەدى.