قازاقستاننىڭ باسىم بولىگىندە اۋا رايى ءجيى وزگەرەدى.
تاياۋ كۇندەرى ەلدىڭ اۋماعىنىڭ باسىم بولىگىندە اۋا رايى تۇراقسىز بولادى، دەپ حابارلايدى Almaty-akshamy.kz.
قار جاۋىپ، جاياۋ بۇرقاسىن بولادى، جەلدىڭ ەكپىنى 15-25 م/س دەيىن كۇشەيەدى. ەلىمىزدىڭ وڭتۇستىك، وڭتۇستىك-شىعىسىنداعى تاۋلى اۋداندارىندا قالىڭ قار جاۋىپ، تۇمان باسىپ، كوكتايعاق بولادى.
رەسپۋبليكانىڭ باتىسى مەن قيىر سولتۇستىگىندە اۋا رايى جاۋىن-شاشىنسىز بولادى. سودان كەيىن سالەحارد اۋداندارىنان اركتيكالىق سۋىقتىڭ اسەرىنەن كۇن سۋىتادى.
- ەلىمىزدىڭ باتىسىندا تۇندە -13-23°C دەيىن، كۇندىز -5-15°C دەيىن؛
- سولتۇستىكتە جانە ورتالىقتا تۇندە -25-33°C دەيىن، كۇندىز -12-25°C دەيىن؛
- شىعىستا تۇندە -25-37°C دەيىن، كۇندىز -17-23°C دەيىن؛
- وڭتۇستىكتە جانە وڭتۇستىك-شىعىستا تۇندە -10-22°س دەيىن، كۇندىز -3-13°س دەيىن.
ءبىرىنشى ونكۇندىكتىڭ سوڭىندا سكانديناۆيا اۋداندارىنان سيكلون تۇراقسىز اۋا رايىن تۋدىرادى، ەلدىڭ سولتۇستىك-باتىس وڭىرلەرىندە، سودان كەيىن ەلدىڭ قالعان اۋماعىندا ايازدىڭ السىرەۋىنە اكەلەدى.
بولجام بويىنشا 2022 جىلعى جەلتوقساننىڭ ەكىنشى جانە ءۇشىنشى ونكۇندىكتەرىندە قازاقستاننىڭ باسىم بولىگىندە اۋا رايىنىڭ ءجيى وزگەرەدى، ايازدى كۇندەر جىلى كۇندەرمەن الماسىپ وتىرادى، سونىمەن بىرگە قار جاۋىپ، بۇرقاسىن بولىپ، ەكپىندى جەل تۇرادى.
ەلدىڭ وڭتۇستىك جارتىسىندا جاۋىن-شاشىن كوبىنە جاڭبىر جانە جىلبىسقى قار تۇرىندە بولادى دەپ بولجانادى. سونداي-اق، كوكتايعاق بولىپ، تۇمان باسادى.
ءبىر اي ىشىندە سيكلوندىق بەلسەندىلىكتىڭ اسەرىنەن جىلى كۇندەر دە بولادى. ال سولتۇستىك-باتىس انتيسيكلوننىڭ اسەرىنەن جىلى كۇندەردى سۋىق اۋا رايى الماستىرىپ وتىرادى. وسىلايشا، جەلتوقسان ايىندا اۋا تەمپەراتۋراسىنىڭ اۋىتقۋى ءجيى بولادى.
ەلدىڭ سولتۇستىك جارتىسىندا تۇندە -25-35°س-تان -5-13°س-قا دەيىن، كۇندىز -15-25°س-تان 0 -5°س-قا دەيىن.
وڭتۇستىك جارتىسىندا تۇندە -17-23°س-تان -5+2°س-قا دەيىن، كۇندىز -5-10°س-تان +3+10°س-قا دەيىن.
جالپى، بولجام بويىنشا، جەلتوقسان ايىندا رەسپۋبليكانىڭ باسىم بولىگىندە ورتاشا ايلىق اۋا تەمپەراتۋراسى نورما شاماسىندا،رەسپۋبليكانىڭ قيىر باتىسىندا، سولتۇستىگىندە نورمادان 1° جوعارى بولادى.
جەلتوقسان ايىندا جاۋىن-شاشىن مولشەرى رەسپۋبليكانىڭ باسىم بولىگىندە نورمادان كوپ، ەلىمىزدىڭ شىعىس بولىگىنىڭ باسىم ايماعىندا، ورتالىقتا، وڭتۇستىكتە، وڭتۇستىك-شىعىستا نورما شاماسىندا بولادى دەپ بولجانۋدا.