جۇرگىزىپ جاتقان جۇمىستارى تۋرالى ايتىلدى.
مەملەكەت باسشىسى قاسىم-جومارت توقايەۆ شۆەيساريالىق «Roche Holding AG» فارماسيەۆتيكالىق كونسەرنىنىڭ باسقارما ءتوراعاسى كريستوف فرانستى قابىلدادى، دەپ حابارلايدى Almaty-akshamy.kz اقوردانىڭ باسپا ءسوز قىزمەتىنە سىلتەمە جاساپ.
پرەزيدەنتكە ەلىمىزدە قاتەرلى ىسىككە قارسى يننوۆاسيالىق ءدارى ءوندىرىسىن اشۋ جوباسىنىڭ جۇزەگە اسىرىلۋ بارىسى تۋرالى اقپارات بەرىلدى.
ءتيىستى كەلىسىمگە بۇگىن قازاقستاننىڭ دەنساۋلىق ساقتاۋ مينيسترلىگى مەن «Roche Holding AG» كومپانياسى اراسىندا قول قويىلدى. كريستوف فرانس پرەزيدەنتكە قاتەرلى ىسىكتى انىقتاۋدىڭ يننوۆاسيالىق تاسىلدەرىن يگەرۋگە قاتىستى قازاق ونكولوگيا جانە راديولوگيا عىلىمي-زەرتتەۋ ينستيتۋتىمەن بىرلەسە جۇرگىزىپ جاتقان جۇمىستارى تۋرالى ايتتى.
سونىمەن قاتار كەلەسى جىلى كومپانيانىڭ قولداۋىمەن نازاربايەۆ ۋنيۆەرسيتەتى مەديسينا مەكتەبىنىڭ بازاسىندا جەرگىلىكتى مامانداردىڭ بىلىكتىلىگىن ارتتىرۋعا ارنالعان زەرتحانالىق دياگنوستيكالىق ترەنينگ-ورتالىعىن اشۋ جوسپارلانىپ وتىر.
سونداي-اق كەزدەسۋدە قازاقستاندا مەديسينا عىلىمىن دامىتۋ ماسەلەسى دە تالقىلاندى.