چيليدەگى ەڭ كونە باسىلىمداردىڭ بىرىندە ديماش تۋرالى ماقالا شىقتى

شەتەلدىك باسىلىمدا قازاقستاندىق ءانشى تۋرالى جازىلدى

2022 جىلعى 26 ناۋرىزدا ءچيليدىڭ ەڭ بەدەلدى El Mercurio گازەتتەرىنىڭ بىرىندە ديماش قۇدايبەرگەن تۋرالى جاريالانىم شىقتى. ماتەريالدا ءانشىنىڭ ۆوكالدىق دياپازونى جانە ونىڭ مۋزىكا الەمىنە اسەرى تۋرالى ايتىلعان، دەپ حابارلايدى Almaty-akshamy.kz Dimashnews.com سايتىنا سىلتەمە جاساپ.

مەركۋريي گازەتى (El Mercurio) – چيليدەگى ەڭ بەدەلدى جانە كونە گازەتتەردىڭ ءبىرى. باسىلىمنىڭ العاشقى ءنومىرى 1827 جىلى 12 قىركۇيەكتە ۆالپارايسو قالاسىندا جارىق كوردى. كەيىنىرەك، 1900 جىلى 1 ماۋسىمدا، گازەت سانتياگودا دا شىعا باستادى.

قازىرگى ۋاقىتتا «مەركۋريي» كۇندەلىكتى يسپان تىلىندە شىعارىلادى جانە سانتياگو قالاسىندا ەڭ كوپ ساتىلىمعا يە. گازەت «El Mercurio» اكسيونەرلىك جاڭالىقتار كومپانياسىنا تيەسىلى، ول بۇكىل ەل بويىنشا 19 ايماقتىق كۇندەلىكتى باسىلىمدار مەن 32 راديوستانسيالار جەلىسىن باسقارادى.

26 ناۋرىزدا «مەركۋرييدە” “ديماش قۇدايبەرگەن - ءوزىنىڭ كەڭ ۆوكالدىق دياپازونىمەن تاڭ قالدىراتىن ءانشى» دەگەن تاقىرىپپەن ۇلكەن ماتەريال جاريالاندى.

باسىلىمدا وقىرمانعا قازاقستاندىق ورىنداۋشىنىڭ شىعارماشىلىق جولى، ونىڭ تاڭعاجايىپ ۆوكالدىق قابىلەتتەرى مەن پاندەميادان كەيىن باستالعان كونسەرتتىك تۋر تۋرالى ايتىلادى.

«ديماش شىعارماشىلىعىنىڭ وڭتۇستىك امەريكادا تارالۋى ءوز جەمىسىن بەرەتىنىنە ءبىز وتە قۋانىشتىمىز! ءبىز ءارقاشان Dimash Latin Dears فان-كلۋبىنىڭ اتىنان كوپتەگەن ءىس-شارالار وتكىزەمىز. 2023 جىلى چيليدە «ۆينيا-دەل-مار» ءانىنىڭ ەڭ ۇلكەن فەستيۆالى وتەدى. تۆيتتەردەگى پاراقشاسىندا ءىس-شارانى ۇيىمداستىرۋشىلار كورەرمەندەردىڭ فەستيۆال ساحناسىندا كىمدى كورگىسى كەلەتىنىن سۇرايدى. ارينە، ءبىزدىڭ ەڭ ۇلكەن ارمانىمىز – وندا ديماشتى كورۋ!» - دەپ ءبولىستى Dimash Latin Dears فان-كلۋبىنىڭ اكىمشىلەرى.