ەكسپورتقا جونەلتۋدىڭ اي سايىنعى كولەمى شامامەن 600 مىڭ توننانى قۇرايدى.
تيەپ-جونەلتۋ كولەمى ۇكىمەت بەلگىلەگەن ليميتتەن اسقانعا دەيىن قازاقستان استىق ەكسپورتىن شەكتەمەيتىن بولادى. وسىدان كەيىن تولىق تىيىم سالىنادى. ليميت مولشەرى ءالى انىقتالعان جوق، دەپ حابارلايدى Almaty-akshamy.kz Eldala.kz سىلتەمە جاساپ.
وتكەن اپتادا ق ر اۋىل شارۋاشىلىعى مينيسترلىگى گەوساياسي جاعدايدىڭ شيەلەنىسۋى مەن ازىق-تۇلىك داعدارىسى جاعدايىندا ەلدەن استىق جۇكتەرى ەكسپورتىنىڭ ءوسۋ ءقاۋپى تۋرالى حابارلادى. ءىس-قيمىلدىڭ ءۇش نۇسقاسى ۇسىنىلدى - ەكسپورتتىق باج سالىعىن ەنگىزۋ، ەكسپورتتىق كۆوتالاردى بەلگىلەۋ، تولىق تىيىم سالۋ.
الايدا، جونەلتىمدەردىڭ اعىمداعى ديناميكاسىنا جانە قولدا بار استىق پەن ۇن قورىنا سۇيەنە وتىرىپ، شەكتەۋلەر ەنگىزۋگە ءالى نەگىز جوق دەگەن شەشىم قابىلداندى. ۇكىمەت جاعدايدى باقىلاۋدى جالعاستىرادى جانە قاجەت بولعان جاعدايدا عانا ارالاسادى.
ەستەرىڭىزگە سالا كەتەيىك، ستاتيستيكا مالىمەتتەرى بويىنشا، ناۋرىز ايىنىڭ باسىندا قازاقستاندا 9،1 ملن توننا ءداندى جانە ءداندى-بۇرشاقتى داقىلدار، ونىڭ ىشىندە 6 ملن توننا ازىق-تۇلىك بيدايى، سونىمەن قاتار، 144 مىڭ توننادان استام ۇن بولعان. استىق ەكۆيۆالەنتىندەگى استىق پەن ۇندى ەكسپورتقا جونەلتۋدىڭ اي سايىنعى كولەمى شامامەن 600 مىڭ توننانى قۇرايدى. ەلىمىزدىڭ ازىق-تۇلىكتىك بيدايعا جاڭا ەگىنگە دەيىنگى (ياعني قىركۇيەككە دەيىنگى) قاجەتتىلىگى - 1 ملن توننا.