تاۋاردىڭ تۇتىنۋ قاۋىپسىزدىگىنە قويىلاتىن ارنايى تەحنيكالىق رەتتەۋ جۇيەسى بار.
2021 جىلى قازاقستانعا 41،2 ملرد اقش دوللارىنا تاۋار اكەلىنگەن، دەپ حابارلايدى Almaty-akshamy.kz
وتكەن جىلى ەلىمىزگە 41،2 ملرد اقش دوللارىنىڭ تاۋارى جەتكىزىلدى. بۇل تۋرالى ق ر ساۋدا جانە ينتەگراسيا مينيسترلىگى تەحنيكالىق رەتتەۋ جانە مەترولوگيا كوميتەتى ءتوراعاسىنىڭ ورىنباسارى قۋانىش ەلىكبايەۆ ايتتى.
«قازاقستان كوپتەگەن ەلمەن سىرتقى ساۋدا ىقپالداستىعىن جۇزەگە اسىرىپ كەلەدى. ماسەلەن، وتكەن جىلى ەلىمىزگە 41،2 ملرد اقش دوللارىنىڭ تاۋارى اكەلىندى. تاۋارعا قويىلاتىن باستى تالاپتىڭ ءبىرى – ول ءقاۋىپسىز بولۋى ءتيىس. ءبىزدىڭ مىندەت - تۇتىنۋشىلاردىڭ قاۋىپسىزدىگىن قامتاماسىز ەتۋ. تاۋاردىڭ تۇتىنۋ قاۋىپسىزدىگىنە قويىلاتىن ارنايى تەحنيكالىق رەتتەۋ جۇيەسى بار. بۇگىندە ولار 60-قا جۋىق تەحنيكالىق رەگلامەنتپەن بەكىتىلگەن»، - دەدى قۋانىش ەلىكبايەۆ ب ا ق وكىلدەرىمەن وتكەن باسپا ءسوز ءماسليحاتىندا.
ونىڭ ايتۋىنشا، ەلىمىزگە جەتكىزىلەتىن تاماق ونىمدەرى، جەڭىل ونەركاسىپ، اۆتوموبيل جانە باسقا دا تاۋارلار تەحنيكالىق رەگلامەنت بويىنشا قابىلدانادى.
«تەحنيكالىق رەگلامەنت بويىنشا تاۋار وندىرۋشىلەر مەن جەتكىزۋشىلەرگە مىندەتتى تالاپتار قويىلادى. ولار تاۋاردىڭ تالاپقا سايكەس كەلەتىندىگىن راستاۋى كەرەك. سودان سوڭ تاۋاردى قازاقستان اۋماعىندا ساتۋعا، قولدانۋعا سەرتيفيكات بەرىلەدى. بۇگىندە ەلىمىزدە 400-دەن استام سىناق زەرتحاناسى جۇمىس ىستەيدى. سونىمەن قاتار 90-عا جۋىق تاۋاردى سەرتيفيكاتتاۋ ورگانى بار. وسى ورايدا ايتا كەتەتىن جايت، تالاپ قويۋمەن جانە سەرتيفيكات بەرۋمەن جۇمىس بىتپەيدى. اتالعان تالاپتاردىڭ ورىندالۋىن باقىلاۋ قاجەت. وسى ورايدا ءبىزدىڭ كوميتەت جاڭا زاڭ ازىرلەدى، ول وتكەن جىلدىڭ شىلدەسىندە كۇشىنە ەندى. زاڭدا ەلگە كەلگەن ءونىم مەن تاۋاردى قالاي باقىلاۋ كەرەكتىگى ناقتى كورسەتىلگەن»، - دەيدى ول.