چەمپيونات تاماشالاپ وتىرعان ايگىلى فۋتبولشىنىڭ ءۇيىن توناپ كەتتى

قاراقشىلار ونىڭ باسىنان تاپانشامەن ۇرىپ، بۇكىل وتباسىن ءبىر بولمەگە قاماپ تاستاعان

Corriere della Sera مالىمەتىنە سۇيەنسەك، وقيعا 20 ماۋسىم كۇنى كەشكە ارداگەر فۋتبولشىنىڭ التاۆيللا-ۆيچەنتيناداعى ۇيىندە بولعان، دەپ حابارلايدى اlmaty-akshamy.kz. 

فۋتبولشى وتباسى مۇشەلەرىمەن بىرگە يتاليا – يسپانيا (0:1) ماچىن تاماشالاپ وتىرعان. وسى كەزدە سۋىق قارۋلانعان قاراقشىلار ۇيگە باسا-كوكتەپ كىرىپ، بادجو مەن ونىڭ وتباسىن ءبىر بولمەگە قاماپ قويعان. 57 جاستاعى فۋتبولشى ۇرىلارعا قارسىلىق كورسەتۋگە تىرىسىپ كورگەنىمەن، باسىنان تاپانشامەن سوققى العان. 

قىلمىسكەرلەر ءۇيدىڭ استاڭ-كەستەڭىن شىعارىپ، قىمبات ساعاتتار، زەرگەرلەر بۇيىمدار مەن اقشانى الىپ كەتكەن. شىعىننىڭ جالپى كولەمى ازىرگە بەلگىسىز.

بادجو ەسىن جيعان سوڭ ەسىكتى بۇزىپ شىعىپ، پوليسيانى شاقىرعان. ءقازىر قىلمىستىق ىسپەن ءتارتىپ ساقشىلارى اينالىسىپ جاتىر. فۋتبولشىنىڭ وتباسى مۇشەلەرى ءدىن امان. 

روبەرتو بادجو 1993 جىلى «التىن دوپ» يەسى اتاندى. «يۋۆەنتۋس» ساپىندا ول ۋەفا كۋبوگىندا، يتاليا چەمپيوناتى مەن كۋبوكتا توپ جاردى. يتاليا قۇراماسىمەن 1994 جانە 1990 جىلدارى وتكەن الەم چەمپيوناتتارىندا كۇمىس جانە قولا مەدال ەنشىلەگەن.