2024 جىلدىڭ 26 ماۋسىمىندا ساعات 10:00-دە قۋاندىق بيشىمبايەۆ پەن باقىتجان بايجانوۆقا قاتىستى اپەللياسيالىق سوت وتىرىسى ونلاين فورماتتا وتەدى، دەپ حابارلايدى اlmaty-akshamy.kz.
«قوعامنىڭ سوت پروسەسىنە قىزىعۋشىلىعىنىڭ ارتقانىن ەسكەرە وتىرىپ، اپەللياسيالىق ساتىداعى سوت وتىرىستارىنىڭ ونلاين-ترانسلياسياسىن جالعاستىرۋ تۋرالى شەشىم قابىلداندى. سوت وتىرىستارى تىكەلەي ەفيردە وتەدى. بۇل سوت پروسەسىنىڭ بارىسى تۋرالى بارلىق اقپارات جوعارعى سوتتىڭ الەۋمەتتىك جەلىلەردەگى رەسمي اككاۋنتتارىندا جەدەل جاريالانادى»، - دەپ حابارلادى جوعارعى سوت.
ايتا كەتەرلىگى، 2024 جىلعى 10 ماۋسىمدا قۋاندىق بيشىمبايەۆ پەن باقىتجان بايجانوۆقا قاتىستى قىلمىستىق ءىس استانا قالالىق سوتىنا كەلىپ ءتۇستى. سوت وتىرىسى استانا قالالىق سوتىنىڭ عيماراتىندا استانا قالاسى، الييەۆ كوشەسى، 6، ۆ بلوگى مەكەنجايىندا وتەدى.