چەكتى تىركەپ، جۇلدە ۇتىپ ال!

2024 جىلعى 4 قىركۇيەكتەن 2024 جىلعى 31 جەلتوقسانعا دەيىن ق ر قم مەملەكەتتىك كىرىستەر كوميتەتى فيسكالدىق دەرەكتەر وپەراتورىمەن بىرلەسىپ «چەكتى تالاپ ەت – جۇلدەنى ۇتىپ ال» اكسياسىن وتكىزەدى، دەپ حابارلايدى aqshamnews.kz.

اكسيا كەزىندە قازاقستاننىڭ ءاربىر تۇرعىنى كەز كەلگەن زاتتى ساتىپ الۋ نەمەسە اقىلى قىزمەتتى قولدانۋ كەزىندە سمارتفون جانە باسقا دا باعالى سىيلىقتار ۇتىپ الۋ مۇمكىندىگىنە يە بولادى. تەك تاۋارلار، جۇمىستار جانە قىزمەتتەر ءۇشىن تولەنگەن سوماعا بەرىلەتىن چەكتەردى «Amian» موبيلدىك قوسىمشاسىندا تىركەسە بولدى. اكسياعا تەك دەرەكتەردى تىركەۋ جانە (نەمەسە) بەرۋ فۋنكسياسى بار باقىلاۋ-كاسسالىق ماشينالاردىڭ چەكتەرىن (ونلاين بكم) چەكتەرى قاتىسادى.

اكسيانى وتكىزۋدىڭ ماقساتى ازاماتتىق بەلسەندىلىكتى ارتتىرۋ، ازاماتتاردىڭ تاۋار، جۇمىس جانە قىزمەت تۇتىنۋشىسى رەتىندەگى ءوز مۇددەلەرىن قورعاۋ بويىنشا قۇقىقتىق مادەنيەتىن قالىپتاستىرۋ، كولەڭكەلى ەكونوميكانىڭ مولشەرىن قىسقارتۋ بولىپ تابىلادى.

 «Amian» قوسىمشاسىن App Store جانە Play market-تەن تەگىن جۇكتەۋگە بولادى.

اكسيا شارتتارى بويىنشا چەكتىڭ بەرىلگەن كۇنى مەن ۋاقىتى ۇتىس ويىنى باستالعان كۇننەن ەرتە بولماۋى ءتيىس. ءبىر قاتىسۋشى تىركەيتىن چەكتەر سانى شەكتەلمەگەن.