2025 جىلدان باستاپ قازاقستاندىقتار ساياسي مەملەكەتتىك قىزمەتكەرلەر تاپسىرعان دەكلاراسيانى كورۋگە مۇمكىندىكتەرى بولاتىنىن قارجى ۆيسە-مينيسترى ەرجان ءبىرجانوۆ مالىمدەدى، دەپ حابارلايدى aqshamnews.kz.
«زاڭنىڭ 11-بابىنا سايكەس، جەكەلەگەن ساياسي مەملەكەتتىك قىزمەتشىلەر ءۇشىن دەكلاراسيانىڭ اشىقتىعى كوزدەلگەن. ياعني ولار كەلەسى جىلدان باستاپ دەكلاراسياسىن اشىق جاريالايدى»، - دەدى ءبىرجانوۆ ءماجىلىس كۋلۋارىندا.
2025 جىلدان باستاپ دەكلاراسياسىن اشىق كورسەتەتىن ساياسي مەملەكەتتىك قىزمەتكەرلەرگە مىنالار كىرەدى:
- ساياسي مەملەكەتتىك لاۋازىمدى اتقاراتىن ادامدار مەن ولاردىڭ جۇبايلارى؛
- "ا" كورپۋسىنداعى مەملەكەتتىك اكىمشىلىك لاۋازىمدى اتقاراتىن ادامدار مەن ولاردىڭ جۇبايلارى؛
- پارلامەنت دەپۋتاتتارى مەن ولاردىڭ جۇبايلارى؛
- قازاقستان رەسپۋبليكاسىنداعى ادام قۇقىقتارى جونىندەگى ۋاكىل؛
- قازاقستان رەسپۋبليكاسىنىڭ سۋديالارى مەن ولاردىڭ جۇبايلارى؛
- كۆازيمەملەكەتتىك سەكتوردا باسقارۋشىلىق فۋنكسيالاردى ورىندايتىن ادامدار مەن ولاردىڭ جۇبايلارى.