قازاقستاندا «ديپلوممەن اۋىلعا» اتتى 1 پايىزدىق يپوتەكالىق باعدارلاماعا قاتىسۋ ءۇشىن ءوتىنىم قابىلداۋ باستالدى، دەپ حابارلايدى aqshamnews.kz
باعدارلاماعا ءبىلىم بەرۋ، دەنساۋلىق ساقتاۋ، الەۋمەتتىك قورعاۋ، اگروونەركاسىپتىك كەشەن، مادەنيەت، سپورت سالالارىنىڭ ماماندارى، سونداي-اق اۋىلدىق وكرۋگ اكىمدەرى اپپاراتتارىندا جۇمىس ىستەيتىن مەملەكەتتىك قىزمەتشىلەر (اكىمدەر مەن ولاردىڭ ورىنباسارلارىن قوسپاعاندا) قاتىسا الادى.
وتىنىمدەر ونلاين تۇردە Baspana Market پلاتفورماسى ارقىلى قابىلدانادى. قاتىسۋ ءۇشىن جەكە كابينەتكە كىرىپ، ءوتىنىمدى تولتىرىپ، ناتيجەسىن كۇتۋ قاجەت.
باعدارلاما شارتتارى:
ءبىرجولعى تولەم — 100 اەك (2025 جىلى بۇل 393 200 تەڭگە)؛
جىلدىق 1% مولشەرلەمەمەن تۇرعىن ءۇي ساتىپ الۋ نەمەسە سالۋعا ارنالعان جەڭىلدەتىلگەن نەسيە؛
نەسيە سوماسى — ءوڭىر مەن ەلدى مەكەنگە بايلانىستى 2 500 اەك-كە دەيىن (9 830 000 تەڭگە)؛
نەسيە مەرزىمى — 15 جىلعا دەيىن.
قاتىسۋ تالاپتارى:
تەحنيكالىق، كاسىپتىك، ورتادان كەيىنگى، جوعارى نەمەسە جوعارى وقۋ ورنىنان كەيىنگى ءبىلىم تۋرالى ديپلومنىڭ بولۋى؛
نەسيە العان مامان ءوز وڭىرىندەگى اۋىلدىق ەلدى مەكەندە ورنالاسقان ۇيىمعا ماماندىعى بويىنشا كەمىندە 3 جىل جۇمىس ىستەۋگە مىندەتتى؛
بۇرىن الىنعان نەسيەلەر بويىنشا مەرزىمى وتكەن بەرەشەكتىڭ بولماۋى.