سەناتتىڭ جالپى وتىرىسىندا دەپۋتات ءالي بەكتايەۆ ۇلىستىڭ ۇلى كۇنىن ۇلىقتاۋ قاجەتتىگىنە توقتالدى، دەپ حابارلايدى Almaty-akshamy.kz.
«جاڭا جىلدى قارسى الۋ جىلدان-جىلعا كۇردەلەنىپ، جاي وتباسىلىق مەرەكەدەن اۋقىمدى ماتەريالدىق شاراعا اينالىپ بارا جاتقانى جاسىرىن ەمەس. ۇلكەن قالالاردا، وبلىس، اۋدان ورتالىقتارىندا ورناتىلعان الىپ شىرشالار، مۇز قالاشىقتارى، وتشاشۋلار مەملەكەت قازىناسىنا سالماق ءتۇسىرىپ، تۇرعىن ءۇي كەشەندەرىندە اتىلىپ جاتقان پيروتەحنيكالار ماتەريالدىق زاقىم كەلتىرۋدە»،- دەدى دەپۋتات.
بۇدان كەيىن دەپۋتات ناۋرىز مەرەكەسىن تويلاۋدا جالپىۇلتتىق كونسەپسيا قابىلداۋ كەرەك دەگەن ويىن ءبىلدىردى.
«قازاقستان ءۇشىن بۇل مەرەكە ەرەكشە ماڭىزعا يە. حالقىمىزدا «ناۋرىز – ۇلىستىڭ ۇلى كۇنى، جىل باسى، كۇن مەن ءتۇننىڭ تەڭەلگەن كۇنى» دەپ ايتىلادى. ءدال وسى كۇندەرى بىتەلگەن بۇلاقتاردىڭ كوزىن اشىپ، جەرگە تال وتىرعىزىپ، اركىم ءوز اۋلاسى مەن ءۇي-جايىن تازالاعان. ەگىسكە شىعىپ ەگىن ەگىپ، مالمەن اينالىساتىندار ءتول الۋعا كىرىسىپ جىل باسى قايناعان ەڭبەككە ۇلاسقان، - دەدى ول.
ايتا كەتەرلىگى، مەملەكەت باسشىسى قاسىم-جومارت توقايەۆ «Egemen Qazaqstan» گازەتىنە بەرگەن سۇحباتىندا ناۋرىز مەيرامىن جاڭاشا تويلاۋ تۋرالى ايتقان بولاتىن.