الماتىنىڭ 8 اۋدانىندا جاستاردى جۇمىسقا ورنالاستىرۋ ماقساتىندا «Career Day» بوس ورىندار جارمەڭكەسى ءوتىپ 26 مىڭنان استام جاستى قامتىدى. بۇل تۋرالى الماتىنىڭ وڭىرلىك كوممۋنيكاسيالار قىزمەتىنىڭ بريفينگىندە جاستار ساياساتى باسقارماسىنىڭ وكىلدەرى مەن قالالىق مانساپ ورتالىعىنىڭ ماماندارى كەڭىرەك ايتىپ بەردى.
«مانساپ كۇندەرى جۇمىسسىز جاستار، جوو، كوللەدج جانە مەكتەپ تۇلەكتەرى قاتارىنان 26 مىڭنان استام جاستى ەكەن قامتىدى، كاسىبي تاعىلىمداماعا 3800 ادام جانە ودان ءارى جۇمىسقا ورنالاسۋمەن 4900 ادام شاقىرىلدى. قالانىڭ ۇزدىك سپيكەرلەرى ءتۇرلى شەبەرلىك ساعاتتارىن وتكىزدى»، - دەدى قالالىق مانساپ ورتالىعىنىڭ وكىلى اسقار ازاماتوۆ.
«Career Day»-گە بارلىعى 850 ءىرى كومپانيا قاتىستى، ولار 10 مىڭنان استام بوس ورىن ۇسىندى. سونىمەن قاتار، 35 جوو مەن 83-تەن استام كوللەدجدەر، سپيكەرلەر جانە كاسىبي باعدارلانعان ماماماندار قاتىستى.
«NEET جاستارىنىڭ جۇمىسپەن قامتىلۋى جانە ولاردىڭ ۇلەسىن ازايتۋ قالانىڭ جاستار ساياساتىنىڭ نەگىزگى باعىتتارىنىڭ ءبىرى بولىپ تابىلادى. سەبەبى، جاستاردى دامىتۋدى قولداۋ جونىندەگى جول كارتاسىنىڭ نەگىزگى ينديكاتورى جىل سايىن 10 مىڭ جاستى جۇمىسقا ورنالاستىرۋ بولىپ تابىلادى»، - دەدى جاستار ساياساتى باسقارماسى باسشىسىنىڭ ورىنباسارى ءازيز قاجدەنبەك.
سپيكەر اتاپ وتكەندەي، جاستار ساياساتى باسقارماسى سيفرلاندىرۋ باسقارماسىمەن بىرلەسىپ «Jobfair 365» تەگىن سيفرلىق پلاتفورماسىنىڭ تەست نۇسقاسىن ىسكە قوستى.
«پلاتفورمانىڭ مىندەتتەرى جاستار اراسىنان جۇمىس بەرۋشىلەر مەن جۇمىس ىزدەنشىلەردى بىرىكتىرۋ، سونداي-اق ارتىق اكىمشىلىك كەدەرگىلەردى بولدىرماۋ بولىپ تابىلادى. بۇل ءتاسىلدى جاساۋ تۋرالى باستامانى جوعارى وقۋ ورىندارىنىڭ مانساپ ورتالىقتارىنىڭ باسشىلارى كوتەردى. بۇگىندە قازاقستان رەسپۋبليكاسىنىڭ 20 وڭىرىنەن 500 جۇمىس بەرۋشى تىركەلگەن، ولار 1500 بوس جۇمىس ورنىن ورنالاستىردى، ونىڭ ىشىندە ەڭ سۇرانىسقا يەلەرى: كولىك جانە لوگيستيكا سالاسىنداعى 257 بوس جۇمىس ورنى جانە ءوندىرىس جانە اۋىل شارۋاشىلىعى سالاسىنداعى 222 بوس جۇمىس ورنى»، - دەپ تولىقتىردى سپيكەر.
سونىمەن قاتار، باسقارمادا جاستاردىڭ جۇمىسسىزدىعىمەن كۇرەسۋ ءۇشىن 4 وزەكتى ماماندىق بويىنشا: قىزمەت كورسەتۋ سالاسىندا ،Iت-ماماندىقتار بويىنشا، قولونەر ماماندىقتارى بويىنشا جانە soft skils بويىنشا جاستارعا ارنالعان قىسقا مەرزىمدى كۋرستار ىسكە قوسىلدى.
«جاڭا داعدىلاردى يگەرۋ جاستارعا پەرسپەكتيۆالى جانە قىزىقتى ماماندىقتى تاڭداۋعا، جۇمىس تابۋعا، قوعامداعى تاۋەلسىز ومىرگە بەيىمدەلۋگە جانە ءوزىن-وزى جۇزەگە اسىرۋعا مۇمكىندىك بەرەدى. بۇگىنگى تاڭدا 3850 جاس 14 كۋرس بويىنشا وقىدى»، - دەپ اتاپ ءوتتى ءا قاجدەنبەك.
باسقارمانىڭ مالىمەتىنشە، الماتىدا 14-35 جاس ارالىعىنداعى 682 مىڭ جاس نەمەسە تۇرعىنداردىڭ جالپى سانىنىڭ 32% - ى تۇرادى. قالانىڭ 35 جوعارى وقۋ ورنى مەن 83 كوللەدجىندە 255 مىڭنان استام ستۋدەنت وقيدى. وسى جىلى الدىن الا دەرەكتەر بويىنشا جوو-لار 42 مىڭعا جۋىق، ال كوللەدجدەر 20 مىڭعا جۋىق ستۋدەنت بىتىرەدى. بۇل رەتتە، وتكەن جىلدارداعى تاجىريبە بويىنشا تۇلەكتەردىڭ 80% - ى الماتىدا جۇمىس تابۋعا تىرىسادى، ال بىتىرگەننەن كەيىنگى ءبىرىنشى جىل ىشىندە 10 مىڭعا جۋىعى جۇمىسسىزدار قاتارىندا بولادى. بيىلعى I توقساندا NEET ساناتىنداعى جاستاردىڭ ۇلەسى جاستاردىڭ جالپى سانىنان 8،3% قۇرايدى (53 مىڭنان استام جاس).