دەنساۋلىق ساقتاۋ مينيسترلىگى زەينەتاقى قورىنان ءتىس ەمدەۋ قىزمەتءىنە پايدالانۋدىڭ جاڭا ءتارتىبىن بەلگىلەيتىن بۇيرىق جوباسىن ازىرلەدى، دەپ حابارلايدى aqshamnews.kz.
قۇجاتقا سايكەس، ءتىس ەمدەۋدەن كەيىن مەديسينالىق ۇيىمنىڭ جاۋاپتى تۇلعاسى ءوتىنىش بەرۋشىگە نەمەسە ونىڭ وكىلىنە مكك (دارىگەرلىك-كونسۋلتاسيالىق كوميسسيا) قورىتىندىسىن ەمدەۋگە دەيىن جانە ودان كەيىن ەلەكتروندى نەمەسە قاعاز تۇرىندە ۇسىنۋى ءتيىس. بۇل قۇجاتتار، سونداي-اق كەلىسىم ەلەكتروندى فورماتتا ۋاكىلەتتى وپەراتورعا (وتباسى بانكىنە) جىبەرىلۋى ءتيىس.
بارلىق قۇجاتتاردى قابىلداعاننان كەيىن زەينەتاقى قاراجاتى بەس جۇمىس كۇنى ىشىندە الۋشىعا اۋدارىلادى.
ەسكە سالساق، شىلدە ايىندا دەنساۋلىق ساقتاۋ مينيسترلىگى كەيبىر ەمحانالار زەينەتاقى جيناقتارىن قولما-قول اقشاعا اينالدىرۋ ءۇشىن پايدالانعان كۇدىكتى سحەمالارعا بايلانىستى ءبىرىڭعاي زەينەتاقى قورىنان ءتىس ەمدەۋگە ارنالعان تولەمدەردى توقتاتۋدى جوسپارلاعان بولاتىن.