ەڭ جوعارى ديناميكا الماتىدا بايقالدى.
2022 جىلى شەتەلدىك ينۆەستيسيا كولەمى 3 ترلن 171،7 ملرد تەڭگەنى قۇرادى، دەپ حابارلايدى Almaty-akshamy.kz
وتكەن جىلمەن سالىستىرعاندا، كورسەتكىش 258،4 ملرد تەڭگەگە ءوستى، ءبىراق ءالى پاندەمياعا دەيىنگى دەڭگەيگە (4 ترلن 110،7 ملرد تەڭگە) جەتكەن جوق.
ءوسىم 13 وڭىردە بايقالدى. ەڭ جوعارى ديناميكا الماتى (+108 ملرد تەڭگە) جانە باتىس قازاقستان وبلىستارىندا (+91،6 ملرد تەڭگە) تىركەلدى. قالعان جەتى وبلىستا كورسەتكىش تومەندەگەن، ونىڭ ىشىندە تارتىلعان ينۆەستيسيانىڭ ازايۋى جامبىل (-60،4 ملرد تەڭگە) جانە شىعىس قازاقستان وبلىستارىندا (-57،7 ملرد تەڭگە) بايقالدى.
اتىراۋ وبلىسى بۇرىنعىسىنشا شەتەلدىك ينۆەستورلار ءۇشىن ەڭ تارتىمدى ءوڭىر بولىپ سانالادى. مۇنى ولاردىڭ جالپى ينۆەستيسياسىنىڭ 33،4%-ىن نەمەسە 1 ترلن 058،8 ملرد تەڭگە قۇيعانىنان (+52،4 ملرد تەڭگە) بايقاۋعا بولادى. الايدا بۇل پاندەمياعا دەيىنگى كورسەتكىشتەن (1 ترلن 875،6 ملرد تەڭگە) الدەقايدا از.
ەكىنشى ورىندا قاراعاندى وبلىسى تۇر. ونىڭ ۇلەسى 10،8% قۇرايدى.
شەتەلدىك ينۆەستيسيانىڭ ەڭ ازى شىمكەنتكە (18،6 ملرد تەڭگە) جانە سولتۇستىك قازاقستان وبلىسىنا (18،8 ملرد تەڭگە) تارتىلدى.
جالپى، شەتەل ينۆەستيسياسىنىڭ ۇلەسىنە كەلەتىن بولساق، ول ءتورتىنشى جىل قاتارىنان ازايىپ كەلەدى. ەگەر 2019 جىلى ولار جالپى كولەمنىڭ ۇشتەن ءبىر بولىگىن (32،8%) قۇراسا، 2022 جىلى - ونىڭ تەك بەستەن ءبىر بولىگى (21،1%) شاماسىندا.