ولار تەحنيكا ۇرلادى دەگەن كۇدىككە ءىلىندى.
الماتىدا بازاردا جانە قوعامدىق ورىنداردا ۇرلىق جاساپ جۇرگەن كۇدىكتىلەر ۇستالدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
ۇرلىق جاساعان قاسكويلەر ۇستالدى.
«بۇل – 1997 جىلى تۋعان ب. ەسىمدى ازامات جانە 2003 جىلى تۋعان س. ەسىمدى ازامات. ولار تەحنيكانى ۇرلادى دەگەن كۇدىككە ءىلىندى. ورتالىق كيىم بازارىندا ورنالاسقان ساۋدا ورتالىعىنداعى بۋتيكتەردىڭ بىرىندە جاستار داۋىس زورايتقىشتاردى ۇرلاپ كەتكەن. ولاردىڭ ايتۋىنشا، مۇنداي قادامعا بارۋعا قوسىمشا اقشا تابۋدى ۇسىنعان بەيتانىس ادام ماجبۇرلەگەن. تەحنيكالىق قۇرال ايعاقتى زات رەتىندە تاركىلەنىپ، قىلمىستىق ءىس ماتەريالدارىنا تىركەلدى. قازىرگى ۋاقىتتا ق ر قپك-نىڭ 24-بابى بويىنشا شارالار قابىلدانىپ جاتىر. ۇستالعانداردىڭ جەكە باسىنىڭ باسقا دا قىلمىستارعا قاتىسى بار-جوعى تەكسەرىلەدى. جەدەل نۇسقالاردىڭ بىرىنە سايكەس، ولار قوعامدىق ورىنداردا دا ۇرلىقپەن اينالىسىپ، قالا تۇرعىندارىن توناعان»، – دەيدى جەتىسۋ اۋداندىق پوليسيا باسقارماسىنىڭ باستىعى جانىبەك شىناسىلوۆ.