بۇل سايلاۋ نەسىمەن ەرەكشە؟

سايلاۋعا 7 ساياسي پارتيا قاتىسۋعا قۇقىلى.

قازاقستان رەسپۋبليكاسىنىڭ مەملەكەتتىك كەڭەسشىسى ەرلان قارين سايلاۋدىڭ ەرەكشەلىكتەرىن اتادى، دەپ حابارلايدى Almaty-akshamy.kz

الداعى سايلاۋدىڭ باستى ون ەرەكشەلىگى:

1. 2004 جىلدان كەيىن العاش رەت ماجىلىسكە دەپۋتاتتار ءبىر مانداتتى وكرۋگتەر ارقىلى سايلانادى (98 دەپۋتاتتىڭ 29-ى)؛


2. ۇمىتكەرلەرگە پارتيالار مەن ۇكىمەتتىك ەمەس ۇيىمدار اتىنان عانا ەمەس، ءوزىن ءوزى ۇسىنۋعا مۇمكىندىك تۋدى؛


3. بۇل كەزەكتەن تىس سايلاۋ بولعانىمەن، ونىڭ وتەتىن مەرزىمى جارتى جىل بۇرىن بەلگىلى بولدى؛


4. پارتيالاردىڭ پارلامەنتكە ءوتۋى ءۇشىن بەلگىلەنگەن تومەنگى شەگى 7 پايىزدان 5 پايىزعا تومەندەتىلدى؛


5. ايەلدەر، جاستار جانە ەرەكشە مۇقتاجدىعى بار ادامدار ءۇشىن قاراستىرىلعان 30 پايىزدىق كۆوتا پارتيالىق ءتىزىم مەن مانداتتاردىڭ ءبولىنىسى كەزىندە ساقتالادى؛


6. ءماجىلىستىڭ جاڭا قۇرامىندا قازاقستان حالقى اسسامبلەياسىنىڭ كۆوتاسى بولمايدى؛


7. العاش رەت ءماجىلىس پەن ءماسليحاتتار سايلاۋىندا «بارىنە قارسىمىن» دەگەن باعان سايلاۋ بيۋللەتەندەرىنە ەنگىزىلەدى؛


8. سايلاۋعا 7 ساياسي پارتيا قاتىسۋعا قۇقىلى. ونىڭ ەكەۋى پارتيالار تۋرالى زاڭنىڭ جاڭا نورمالارى كۇشىنە ەنگەننەن كەيىن تىركەلدى؛


9. وبلىستارداعى ايماقتىق سايلاۋ كوميسسيالارى ەندى كاسىبي تۇردە جۇمىس ىستەيدى؛


10. سايلاۋشىلار بەس بيۋللەتەن بويىنشا داۋىس بەرەدى (رەسپۋبليكالىق ماڭىزى بار قالالارداعى بيۋللەتەن سانى تورتەۋ).