2021 جىلى جانۋارلاردىڭ قاتىسۋىمەن 109 جول-كولىك وقيعاسى بولعان
ەلدىمەكەندەر ماڭىندا جول بەلگىلەرى مەن قۇرالدارىن ۇرلاۋ تىيىلماي تۇر. بۇل تۋرالى «قازاقاۆتوجول» ءجشس-نىڭ الماتى وبلىستىق فيليالىنىڭ باس ينجەنەرى بەرىك سارقىتبايەۆ ايتتى، دەپ حابارلايدى Almaty-akshamy.kz Baq.kz-كە سىلتەمە جاساپ.
ونىڭ ايتۋىنشا، جول جيەگىنە ورناتىلعان جول بەلگىلەرى مەن قورشاۋلاردى، جارىقتاندىرعىشتاردى حالىق ۇرلاپ اكەتەدى ەكەن.
«جول بەلگىلەرى مەن وزگە دە قۇرالداردى ادامدار ۇيدەگى تۇرمىستىق ماقساتتا پايدالانۋ ءۇشىن ۇرلايدى. ءبىرى قاڭىلتىر بەلگىنى قازان جاپقىش ەتىپ پايدالانسا، ەندى ءبىرى جول جيەگىندەگى تەمىر تورلاردى ۇرلاپ اكەتىپ قورا-جابدىعىنا پايدالانادى. بيىل الماتى وبلىسىندا 350 مەترلى تەمىر تور قولدى بولدى. ول جانۋارلاردىڭ جولعا شىعىپ كەتپەۋى ءۇشىن ورناتىلعان ەدى»، - دەيدى سارقىتبايەۆ.
«قازاقاۆتوجول» ءجشس-نىڭ باسپا ءسوز قىزمەتىنىڭ باسشىسى ادينا اينايەۆا بىلتىر رەسپۋبليكا بويىنشا جول بەلگىلەرىن ۇرلاۋدان 60 ملن تەڭگە شىعىن كەلگەنىن ايتادى.
«جول بەلگىلەرىن سول ماڭداعى اۋىل تۇرعىندارى تۇرمىستا قولدانۋ ءۇشىن الىپ كەتەدى. اسىرەسە جولدى ءبولىپ تۇراتىن تەمىر برۋستاردى ۇرلاپ اكەتەدى. ول جۇرگىنشىلەردىڭ قارسى بەتكە ءوتىپ كەتپەۋى ءۇشىن ساقتىق شاراسى رەتىندە ورناتىلعان. جول بەلگىلەرى مەن قۇرالدارىن ۇرداۋ جول قاۋىپسىزدىگىنىڭ تومەندەۋىنە اكەلەدى. جانۋارلاردان قورعايتىن تورلاردى ۇرلاپ كەتكەندىكتەن مالدار جولعا شىعىپ كەتەدى، ونىڭ ارتى جول اپاتىنا، قايعىلى جاعدايعا جەتكىزەدى»، - دەيدى ول.
جول بەلگىسىن ۇرلاۋ جاعدايى انىقتالعاندا ارنايى اكتى تولتىرىلىپ، كىنالىلەر اكىمشىلىك جاۋاپكەرشىلىككە تارتىلادى ەكەن.
جول بەلگىلەرىن ۇرلاۋ، قوقىس تاستاۋ ءار ادامنىڭ ىشكى مادەنيەتىنە بايلانىستى. ءقازىر ءبىزدىڭ قىزمەتكەرلەر جول بويىنداعى ەلدىمەكەن اكىمدىگى، ۋچاسكەلىك پوليسەيمەن بىرگە ءار ۇيگە جەكەلەي كىرىپ ءتۇسىندىرۋ جۇمىستارىن جۇرگىزىپ جاتىر. ولار جول بەلگىلەرىن ۇرلاۋدى سالدارىن، مالدارىن جول بويىنا جىبەرمەۋ بويىنشا ءتۇسىندىرۋ جۇمىسارىن جۇرگىزەدى.
سونىمەن قاتار ول مالدىڭ جولعا شىعىپ كەتۋ جاعدايلارى اسىرەسە ماڭعىستاۋ وبلىسىندا ءجيى بولاتىنىن جەتكىزدى.
«ءقازىر كوپتەگەن جول-كولىك وقيعاسى جانۋارلارمەن سوقتىعىسۋ سالدارىنان بولىپ جاتىر. مالىنا يە بولماعاندار دا ازاماتتىق جاۋاپكەرشىلىككە تارتىلادى. مالداردىڭ كوبىنىڭ قۇلاعىندا سىرعالارى بولمايدى، سول سەبەپتى ول كىمدىكى ەكەنىن انىقتاۋ قيىنعا تۇسەدى. ول جەردە ادام شىعىنى دا، ماتەريالدىق شىعىن دا بولىپ جاتادى. تىم بولماسا تۇنگى ۋاقىتتا مالدارىن قاراۋسىز قالدىرماسا دەيمىز. ءقازىر جولدا مالدىڭ كولىكپەن سوقتىعىسۋى جونىندە ماڭعىستاۋ الدا تۇر. سوندىقتان ول جاقتاعى اۋىل تۇرعىندارىنا ءتۇسىندىرۋ جۇمىستارى جۇرگىزىلىپ جاتىر»، - دەدى اينايەۆا.
ونىڭ ايتۋىنشا، 2021 جىلى جانۋارلاردىڭ قاتىسۋىمەن 109 جول-كولىك وقيعاسى بولعان. ونىڭ ىشىندە 139 ادام جاراقات الىپ، 30 ادام قازا تاپقان. ال، 2022 جىلدىڭ ءى توقسانىندا 11 جول-كولىك وقيعاسى بولىپ، 13 ادام جاراقات السا، 3 ادام قازا تاپقان.