ەل كونستيتۋسياسىنا ەنگىزىلەتىن تۇزەتۋلەر ءتۇسىندىرىلدى
ەلىمىزدىڭ كونستيتۋسياسىنا ەنگىزىلەتىن تۇزەتۋلەر الماتىنىڭ الەۋمەتتىك-ەكونوميكالىق جاعدايىن ايتارلىقتاي جاقسارتادى. بۇل تۋرالى №16 قالالىق ەمحانا ۇجىمىمەن كەزدەسۋ بارىسىندا AMANAT پارتياسىنىڭ ماجىلىسمەندەرى ايتتى. دەپ حابارلايدى Almaty-akshamy.kz.
ەمحانا قىزمەتكەرلەرىنىڭ كونستيتۋسيالىق رەفورمالارعا قاتىستى سۇراقتارىنا ق ر پارلامەنتى ءماجىلىسىنىڭ دەپۋتاتى ايگۇل قۇسپان تولىق تۇسىنىكتەمە بەرىپ، الداعى وقيعانىڭ ەلىمىزدىڭ بولاشاعى ءۇشىن ماڭىزدىلىعىن اتاپ ءوتتى.
«ارينە، بۇل كونستيتۋسيالىق رەفورمالار ءۇشىن تاعدىرشەشتى ءسات. تۇزەتۋلەر ەنگىزۋ بيلىك تارماقتارى اراسىنداعى قارىم-قاتىناستاردىڭ وڭتايلى تەپە-تەڭدىگىن قالىپتاستىرۋعا جانە ازاماتتاردىڭ كونستيتۋسيالىق قۇقىقتارىن قورعاۋدى كۇشەيتۋگە كومەكتەسەدى»، - دەپ اتاپ ءوتتى ا.قۇسپان.
ال ماجىلىسمەن ايدوس سارىمنىڭ ايتۋىنشا، ءماسليحاتتاردىڭ ءرولى كۇشەيتىلىپ، ولاردىڭ جەرگىلىكتى ماسەلەلەردى شەشۋدەگى جاۋاپكەرشىلىگى ارتادى.
ءوز كەزەگىندە، ق ر پارلامەنتى ءماجىلىسىنىڭ دەپۋتاتى جۇلدىز سۇلەيمەنوۆا ءبىلىم بەرۋ جانە دەنساۋلىق ساقتاۋ مەكەمەلەرى ءوز ۇيىمدارى عيماراتتارىنىڭ ماتەريالدىق-تەحنيكالىق بازاسى مەن جالپى جاعدايىن جاقسارتۋعا بايلانىستى جيناقتالعان ماسەلەلەردى شەشۋگە مۇمكىندىك بەرەتىنىن اتاپ ءوتتى.
«ءماجىلىستىڭ قۇزىرەتى كەڭەيىپ، رەسپۋبليكالىق بيۋدجەتتىڭ اتقارىلۋ ساپاسىنا پارلامەنتتىك باقىلاۋ كۇشەيىپ كەلە جاتقانى مەنى قۋانتادى. بۇعان دەيىن رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتى جوعارى اۋديتورلىق پالاتاعا اينالاتىنى، ونىڭ ءتوراعاسى جىلىنا ەكى رەت ءماجىلىس دەپۋتاتتارىنىڭ الدىندا ەسەپ بەرەتىنى ايتىلعان بولاتىن. ءقازىر ءبىز سول ەسەپتەردى تىڭداپ، بارلىق سۇراقتاردى قويا الاتىن بولامىز»، - دەپ اتاپ ءوتتى دەپۋتات ج.سۇلەيمەنوۆا.
ەستەرىڭىزگە سالساق، AMANAT پارتياسىنىڭ الماتى قالالىق فيليالىنىڭ شتابى قۇرىلدى، ونىڭ مىندەتتەرىنە الداعى رەفەرەندۋمدى قولجەتىمدى جانە جەدەل ءتۇسىندىرۋ كىرەدى. شتاب مەگاپوليستىڭ بارلىق اۋداندارىندا 200-گە جۋىق كەزدەسۋ وتكىزۋدى جوسپارلاپ وتىر.
اقپاراتتىق ماتەريال «رەسپۋبليكالىق رەفەرەندۋم جونىندەگى» ق ر زاڭىنىڭ 7 بابى 2 تارماعى بويىنشا «AMANAT» پارتياسى قوعامدىق بىرلەستىگىنىڭ الماتى قالالىق فيليالىنىڭ تاپسىرىسىمەن شىقتى، جاۋاپتى تۇلعا م. ب. وتىنشييەۆ.