بۇگىن دوستىق ۇيىندە جيىن ءوتىپ، قاتىسۋشىلار ەلباسىنىڭ رەفەرەندۋم وتكىزۋ تۋرالى باستاماسىن قولدايتىندىقتارىن ءبىلدىردى
كونستيتۋسياعا ەنگىزىلگەن وزگەرىستەر حالىقتىڭ ءال-اۋقاتىن جاقسارتادى دەپ ەسەپتەيدى قالاداعى ەتنومادەني بىرلەستىكتەردىڭ وكىلدەرى، دەپ حابارلايدى Almaty-akshamy.kz Almaty.tv-گە سىلتەمە جاساپ.
بۇگىن دوستىق ۇيىندە جيىن ءوتىپ، وعان قاتىسۋشىلار ەلباسىنىڭ رەفەرەندۋم وتكىزۋ تۋرالى باستاماسىنا قولداۋ ءبىلدىردى. ەتنومادەني بىرلەستىك مۇشەلەرىنىڭ پىكىرىنشە، رەفەرەندۋم جاڭا قازاقستاندى قۇرۋ جولىنداعى ۇلكەن قادام. بۇل وزگەرىستى باستاۋ ءۇشىن قازاقستاندىقتار سايلاۋ ۋچاسكەلەرىنە كەلۋى كەرەك.
«ەلباسىنىڭ ەلىمىزدە بەيبىتشىلىك، ۇلتارالىق تۇراقتىلىق، كەلىسىم نىعايۋى ءۇشىن ءار باپقا وزگەرىس ۇسىنعانىن كورەمىز. بەيبىتشىلىك - ەلىمىزدىڭ ىرگەتاسى. ءبىز كوپپىز، ءارتۇرلى ۇلت وكىلىمىز، ءبىراق ءبىزدى ەلىمىز بىرىكتىرەدى»، – دەدى قازاق ورىس ەتنومادەني ورتالىعىنىڭ ءتوراعاسى ۆسيەۆولود لۋكاشيەۆ.