ال، بيىلعى قاڭتار وقيعاسىنىڭ قورىتىندىسى بويىنشا، تەك الماتىداعى لومباردتاردىڭ الدىن الا شىعىنى 2،9 ملرد تەڭگەنى قۇراپتى.
قاڭتار وقيعاسىنىڭ سالدارىنان ەلىمىزدىڭ لومباردتارى قاتتى زارداپ شەكتى، دەپ حابارلايدى Almaty-akshamy.kz Finprom.kz سايتىنا سىلتەمە جاساپ.
قازاقستان رەسپۋبليكاسى ۇلتتىق بانكىنىڭ مالىمەتىنشە، 2021 جىلدىڭ ءۇش توقسانىنىڭ قورىتىندىسى بويىنشا، قازاقستان رەسپۋبليكاسىندا 602 لومبارد تىركەلگەن.
سالاداعى مەنشىكتى كاپيتالدىڭ جالپى كولەمى جارتىجىلدىقتىڭ قورىتىندىسىمەن سالىستىرعاندا 36،4%-عا نەمەسە 40،2 ملرد تەڭگەگە ارتىپ، 150،5 ملرد تەڭگەنى قۇرادى.
2021 جىلدىڭ قاڭتار-قىركۇيەك ايلارىندا كىرىستىڭ جالپى سوماسى 25،6 ملرد تەڭگەنى قۇرادى (2021 جىلدىڭ قاڭتار-ماۋسىمىنىڭ قورىتىندىسىمەن سالىستىرعاندا پليۋس 42،6% نەمەسە پليۋس 7،6 ملرد تەڭگە).
قاڭتار وقيعاسىنىڭ سالدارىنان ەلىمىزدىڭ لومباردتارى قاتتى زارداپ شەكتى. نەگىزگى شىعىن الماتىنىڭ ۇلەسىنە ءتيدى. ماسەلەن، الماتى اكىمدىگىنىڭ مالىمەتى بويىنشا، 2022 جىلدىڭ 14 قاڭتارىنداعى جاعداي بويىنشا، قالا لومباردتارىنا كەلتىرىلگەن شىعىن شامامەن 2،9 ملرد تەڭگەنى قۇرادى. ەڭ كوپ زارداپ شەككەن المالى اۋدانىنداعى لومباردتار (35 لومبارد، زالال – 2،6 ملرد. تەڭگە). اۋەزوۆ اۋدانىندا 11 لومبارد تالقاندالدى.
قازاقستان رەسپۋبليكاسىنداعى بارلىق 602 لومباردتىڭ 469-ى عانا 2021 جىلدىڭ العاشقى ءۇش توقسانىندا تابىسىن كورسەتتى. بولىنبەگەن تابىستىڭ ەڭ تومەنگى مولشەرى 2 مىڭ تەڭگەنى قۇرادى.
تابىس كولەمى بويىنشا العاشقى وندىقتا M-Lombard (6،1 ملرد تەڭگە) كوش باستاپ تۇر، ودان كەيىن MK-Lombard (3،8 ملرد تەڭگە) جانە Astra-Lombard (2،7 ملرد تەڭگە) كەلەدى. 1 ملرد تەڭگەدەن استام پايدانى «مك-زولوتو لومبارد» (1،7 ملرد تەڭگە) جانە Safe Lombard (1،4 ملرد تەڭگە) كومپانيالارى دا الدى.
سونىمەن بىرگە 2021 جىلدىڭ قاڭتار-قىركۇيەك ايلارىندا 102 لومبارد جابىلماعان شىعىنىن كورسەتتى. ەڭ كوپ شىعىن "اۆتو اقشا" لومباردىندا (332،2 ملن. تەڭگە)، ودان كەيىن Tez Lombard (69،6 ملن. تەڭگە) جانە Lombard Three A (24،1 ملن. تەڭگە) بولدى.
