دارىگەرلەر مەموريالى قازاقستاندىقتاردىڭ ومىرىنە ءقاۋىپ توندىرەتىن ۆيرۋسقا تاباندىلىقپەن، بىرلەسە، ىنتىماقتاسا وتىرىپ كورسەتكەن قارسىلىقتىڭ، جاڭا ومىرگە دەگەن ءۇمىتتىڭ، دارىگەرلەرگە دەگەن العىس پەن ماڭگىلىك ەستەلىكتىڭ سيمۆولىنا اينالۋى ءتيىس.
ەسكەرتكىش كومپوزيسياسى قولدانىستاعى ساۋلەت جانە قالا قۇرىلىسى ورتاسىنا ۇيلەسىمدى تۇردە سايكەس كەلۋى قاجەت. جوبانى جاساعاندا مىقتى ماتەريالدار (ءمارمار، گرانيت، قولا، ت.س.س.) قولدانىلۋى كەرەك، دەپ حابارلايدى Almaty-akshamy.kz
بايقاۋدىڭ ماقساتى – قازاقستان رەسپۋبليكاسىندا ورناتىلاتىن ەسكەرتكىشتەر مەن مونۋمەنتتەر جونىندەگى مەملەكەتتىك كوميسسياعا ۇسىنىس ەنگىزۋ ءۇشىن كوركەم-ساۋلەت جانە مۇسىندىك كومپوزيسيا جاساۋ ارقىلى دەنساۋلىق ساقتاۋ سالاسىنىڭ قىزمەتكەرلەرىنە پاندەميا جاعدايىنداعى قاجىرلى ەڭبەكتەرى ءۇشىن ورناتىلاتىن ەسكەركىشتىڭ ەڭ ۇزدىك تۇجىرىمدامالىق مۇسىندىك-كوركەمدىك شەشىمىن انىقتاۋ.
ەسكەرتكىش الماتى قالاسى، المالى اۋدانى، تولە بي كوشەسى، 94 مەكەنجايىندا ورنالاسقان اسفەندياروۆ اتىنداعى قازۇمۋ باس كورپۋسىنىڭ الدىنا ورناتىلماق.
1. بايقاۋ شارتتارى
بايقاۋعا بارلىق نيەت بىلدىرۋشىلەر، سونداي-اق اۆتورلىق ۇجىمدار قاتىسا الادى. بايقاۋدى وتكىزۋ مەرزىمى - 2022 جىلعى 31 قاڭتارىنان 16 ناۋرىزعا دەيىن. 2022 جىلدىڭ 16 ناۋرىزىنان كەشىكتىرمەي جىبەرىلگەن جۇمىستار 050000، الماتى قالاسى، دوستىق داڭعىلى، 56، الماتى قالالىق مادەنيەت باسقارماسى، №4015 كابينەت مەكەنجايىندا قابىلدانادى.
باسقا قالالاردىڭ اۆتورلارى پوشتا تۇبىرتەگىنىڭ ءنومىرىن الدىن الا حابارلاي وتىرىپ، جوبالاردى بەلگىلەنگەن مەرزىمنەن كەشىكتىرمەي، الماتى قالالىق مادەنيەت باسقارماسىنىڭ مەكەنجايىنا جىبەرەدى. بايقاۋعا جوبالار التى تاڭبالى سانمەن كورسەتىلگەن ۇراندارمەن ۇسىنىلادى. ۇران كونكۋرسقا ۇسىنىلعان جوبانىڭ بارلىق ماتەريالدارىنىڭ جوعارعى وڭ جاق بۇرىشىندا، سونداي-اق ۇراندىق كونۆەرتتە (بيىكتىگى 1 سم) جازىلادى. ۇرانمەن جابىلعان كونۆەرتتە جوبا اۆتورىنىڭ تەگى، اتى جانە مەكەن-جايى كورسەتىلگەن اقپاراتتىق پاراق بولۋى كەرەك.
ەكى بەتتەن اسپايتىن قىسقاشا تۇسىندىرمە جازبا 2 دانادا ۇسىنىلادى. «تىمەѕ New Roman» ءقارپى، ولشەمى №14، ءبىر جولارالىق ينتەرۆال ساقتالۋى ءتيىس. جازبادا ەسكەرتكىشتىڭ نەگىزگى يدەياسى، كوركەمدىك شەشىمى جانە كەڭىستىكتى ۇيىمداستىرۋ پرينسيپتەرى كورسەتىلۋى كەرەك.
بايقاۋ قورىتىندىسى بويىنشا شەشىمدى الماتى قالاسىنىڭ تاريح جانە مادەنيەت ەسكەرتكىشتەرىن قورعاۋ جونىندەگى كوميسسياسى قابىلدايدى.
بايقاۋ شارتتارىن بۇزا وتىرىپ ۇسىنىلعان جوبالار كونكۋرسقا جىبەرىلمەيدى جانە كوميسسيادا قارالمايدى.
2. بايقاۋدىڭ جوبالىق ۇسىنىستارى مەن ۇسىنىلاتىن ماتەريالداردى راسىمدەۋگە قويىلاتىن تالاپتاردىڭ قۇرامى:
1. ماسشتابى 1:10 جوبا ەسكيزى (ءمۇسىن كومپوزيسياسى)؛
2. ماسشتابى 1:200 باس جوباسى (سىزبا جوباسى)؛
3. ەسكەرتكىشتىڭ (مۇسىندىك كومپوزيسيانىڭ) 2 قاسبەتى جانە 1:20 ماسشتابتى 1 پەرسپەكتيۆا؛
4. تۇسىندىرمە جازبا.
جوبالار ولشەمى 60ح80 سم پلانشەتپەن ۇسىنىلادى. گرافيكالىق ورىنداۋ ءادىسى – ماكەتتىڭ ءتۇسى، تەحنيكاسى جانە ماتەريالى – اۆتوردىڭ قالاۋى بويىنشا.
قوسىمشا اقپارات پەن انىقتامانى 8 (727) 272-11-09 تەلەفونى بويىنشا الۋعا بولادى.