ءبىراق، اجىراسۋ جاعدايلارى ءالى دە كوپ.
2022 جىلى قازاقستاندا 128،4 مىڭ نەكە تىركەلگەن، بۇل وتكەن جىلمەن سالىستىرعاندا 8،5% از، دەپ حابارلايدى Almaty-akshamy.kz Ulysmedia.kz-كە سىلتەمە جاساپ.
ۇلتتىق ستاتيستيكا بيۋروسىنىڭ مالىمەتىنشە، وتكەن جىلى 85،4 مىڭ نەكە (66،5%) قالالاردا، 43،0 مىڭ نەكە (33،5%) اۋىلدىق جەرلەردە تىركەلگەن.
ەرلەردىڭ 79،1%-ى جانە ايەلدەردىڭ 81،0%-ى ءبىرىنشى رەت ۇيلەنسە، ەرلەردە اجىراسقاننان كەيىن نەكەنى تىركەۋ ۇلەسى 19،6%، ايەلدەردە - 17،6% بولعان.
اجىراسۋلارعا كەلسەك، 2021 جىلمەن سالىستىرعاندا بۇزىلعان نەكەلەر سانى 7،7% ازايعان. ءبىر جىل ىشىندە 44،5 مىڭ ەرلى-زايىپتى اجىراسقان.
ولاردىڭ ىشىندە 33،2 مىڭ اجىراسۋ (74،6%) قالالاردا تىركەلسە، اۋىلدىق جەرلەردە 11،3 مىڭ اجىراسۋ (25،4%) تىركەلدى.
اجىراسۋدىڭ ەڭ جوعارعى كورسەتكىشى استانا قالاسىندا بايقالدى، وندا اجىراسۋدىڭ جالپى كوەففيسيەنتى 1000 تۇرعىنعا 3،24، ال ەڭ تومەنگى تۇركىستان وبلىسىندا – 1000 تۇرعىنعا شاققاندا 0،98 وقيعانى قۇرادى.
- 1000 نەكەگە – 347 اجىراسۋدان كەلەدى
-
اجىراسۋدىڭ جالپى كوەففيسيەنتى – 2،27‰ (1000 ادامعا شاققاندا)