2021 جىلى نەكەگە تۇرعان قازاقستاندىقتاردىڭ سانى 2020 جىلمەن سالىستىرعاندا 8،9% ءوستى.
بىلتىر رەسمي تۇردە 140،3 مىڭ نەكە تىركەلدى، دەپ حابارلايدى Almaty-akshamy.kz Elorda.info-عا سىلتەمە جاساپ.
" وتباسىن قۇرعانداردىڭ باسىم بولىگى كەلەسى قالالاردا:
نۇر-سۇلتان – 1 000 ادامعا 10،10؛
الماتى – 1 000 ادامعا 9،40؛
اتىراۋ وبلىسى – 1 000 ادامعا 7،86.
قيىلعان نەكەنىڭ ەڭ از سانى قوستاناي وبلىسىندا (1 000 ادامعا 6،24) تىركەلدى. العاش رەت نەكەگە تۇرعانداردىڭ ورتاشا جاسى ەرلەر اراسىندا 27،9 بولسا، ايەلدەر اراسىندا – 25،2 جاس. سونىمەن قاتار، بۇرىن اجىراسقان 25 مىڭ ەر ادام جانە 22 مىڭ ايەل بىلتىر قايتادان نەكەگە تۇرعان"، – دەلىنگەن حابارلامادا.
قازاقستاندىقتار ۇيلەنۋ ءۇشىن شىلدە، تامىز جانە قىركۇيەك سەكىلدى ءداستۇرلى ايلاردان بولەك، بىلتىر ناۋرىزدى دا كوپ تاڭداعان. بۇل ايدا 12 مىڭ وتباسى تىركەلدى. نەكەلەردىڭ 70،9 پايىزدان استامى قالا تۇرعىندارى اراسىندا قيىلعان.