بۇل تۋرالى قالانىڭ ەكونوميكا باسقارماسىنىڭ باسشىسى داستان ومىربايەۆ ايتتى.
2022 جىلى قالادا 1،7 ملن شارشى مەتر تۇرعىن ءۇي پايدالانۋعا بەرىلدى، 410 كم-دەن استام ينجەنەرلىك جەلىلەر سالىندى جانە قالپىنا كەلتىرىلدى، دەپ حابارلايدى Almaty-akshamy.kz
2021 جىلمەن سالىستىرعاندا سۋ قۇبىرى كوممۋنيكاسيالارىنىڭ توزۋى 3،1%-عا، كارىز جەلىلەرىنىڭ توزۋى 2،3%-عا تومەندەدى. مۇنداي سانداردى ءماسليحاتتىڭ VI سەسسياسىندا ەكونوميكا باسقارماسىنىڭ باسشىسى داستان ومىربايەۆ ايتتى.
الماتى اگلومەراسياسىن دامىتۋ اياسىندا كولىك جەلىسىن دامىتۋعا ەرەكشە كوڭىل بولىنەدى. قالا ماڭىمەن بايلانىس ورناتۋ ءۇشىن 2022 جىلى اباي داڭعىلى قالا شەكاراسىنا دەيىن ۇزارتىلدى، تولە بي كوشەسى ۇزارتىلۋدا. قالادا 25 شاقىرىم جاڭا جول سالىنىپ، 200 شاقىرىمنان استام جول جوندەلدى-بىز تەك ناۋرىزباي جانە الاتاۋ اۋداندارى تۋرالى ايتىپ وتىرمىز. وسىلايشا، جاقسى جاعدايداعى اۆتوموبيل جولدارىنىڭ ۇلەسى 86%-عا دەيىن ءوستى.
جەراستى كولىك جەلىسى دە دامىپ كەلەدى: 2022 جىلى 2 جاڭا مەترو ستانسياسى – "ب.مومىش ۇلى" جانە "سارىارقا" اشىلدى. جولاۋشىلار اعىنى 78%-عا، اتاپ ايتقاندا تاۋلىگىنە 58،5 مىڭعا دەيىن ۇلعايدى.