2024 جىلدىڭ قورىتىندىسى بويىنشا 78،1 مىڭ وتباسىنداعى 413،7 مىڭ ادامعا اتاۋلى الەۋمەتتىك كومەك تاعايىندالدى.
وسى ماقساتقا بيۋدجەتتەن 39،5 ملرد تەڭگە ءبولىندى، دەپ حابارلايدى aqshamnews.kz.
بۇرىن حابارلانعانداي، ااك-نىڭ نەگىزگى ماقساتى – اقشالاي تولەم تۇرىندە قولداۋدى جۇزەگە اسىرۋ جانە وتباسىنىڭ ەڭبەككە قابىلەتتى مۇشەلەرىن جۇمىسپەن قامتۋعا جاردەمدەسۋدىڭ بەلسەندى شارالارىنا تارتۋ ارقىلى وتباسىن قيىن ومىرلىك جاعدايدان شىعارۋ.
ااك مىنالاردى كوزدەيدى:
- تابىسى كەدەيلىك شەگىنەن اسپايتىن ازاماتتارعا توقسان سايىن الەۋمەتتىك كومەك تاعايىنداۋ؛
- تابىسى از وتباسىلارداعى 1 جاس پەن 6 جاس ارالىعىنداعى ءار بالاعا 1،5 اەك مولشەرىندە اي سايىنعى قوسىمشا تولەم بەرۋ. 2024 جىلدىڭ قورىتىندىسى بويىنشا ااك الۋشىلار قاتارىنان مەكتەپ جاسىنا دەيىنگى 129،5 مىڭ بالاعا 5،4 ملرد. تەڭگە سوماسىنا قوسىمشا تولەم تاعايىندالدى؛
- جۇمىسقا ورنالاستىرۋ، ءوز ءىسىن اشۋعا نيەتتى وتباسىلارعا گرانتتار بەرۋ، بىلىكتىلىكتى ارتتىرۋ كۋرستارىنا جىبەرۋ (قاجەت بولعان جاعدايدا) جانە باسقالار ارقىلى جۇمىسپەن قامتۋعا جاردەمدەسۋ.
قازىرگى ۋاقىتتا قازاقستاندىقتار ااك تاعايىنداۋعا ءوتىنىشتى تۇرعىلىقتى جەرى بويىنشا مانساپ ورتالىعىندا، اۋىل وكرۋگىنىڭ اكىمىنە سونداي-اق ەلەكتروندىق ۇكىمەت پورتالى (egov.kz) ارقىلى بەرە الادى.
ەستەرىڭىزگە سالا كەتەيىك، ق ر الەۋمەتتىك كودەكسىنە سايكەس 2025 جىلعى 1 قاڭتاردان باستاپ ااك تاعايىنداۋ ءۇشىن كەدەيلىك شەگى حالىقتىڭ مەدياندىق كىرىسىنەن ايقىندالادى.
ەڭبەك جانە حالىقتى الەۋمەتتىك قورعاۋ مينيسترلىگى ۇلتتىق ستاتيستيكا بيۋروسىمەن بىرلەسىپ وتباسىنىڭ سيفرلىق كارتاسىنىڭ دەرەكتەرى بويىنشا توقسان سايىنعى مەدياندىق كىرىس مولشەرىنە ەسەپتەۋلەر جۇرگىزدى. ولاردىڭ ناتيجەلەرى بويىنشا كەدەيلىك شەگى مەدياندىق كىرىستىڭ 35% دەڭگەيىندە، ءبىراق قازىرگى دەڭگەيدەن تومەن ەمەس، ياعني وڭىرلىك ەڭ تومەن كۇنكورىس دەڭگەيىنىڭ 70% دەڭگەيىندە ايقىندالعان
كەدەيلىك شەگىن انىقتاۋدا مەدياندىق كىرىستى ەنگىزۋ اتاۋلى الەۋمەتتىك كومەك مولشەرىنىڭ ازايۋىنا اكەلمەيتىنىن اتاپ ءوتۋ ماڭىزدى. سونىمەن قاتار، ااك الۋشىلار سانى 755 وتباسىنا نەمەسە 3،8 مىڭنان استام ادامعا ءوسۋى مۇمكىن دەپ بولجانۋدا.
سونىمەن قاتار 2025 جىلدىڭ 1 قاڭتارىنان باستاپ ااك-كە ۇمىتكەر ازاماتتاردىڭ شىعىستارىن ەسەپكە الۋ تەتىگىن سىناقتان وتكىزۋ جونىندەگى پيلوتتىق جوبا ىسكە قوسىلدى.
قاراجات قوزعالىسى تۋرالى اقپاراتتى جيناۋ ءوتىنىش بەرۋشىدەن جانە ونىڭ وتباسى مۇشەلەرىنەن مەملەكەتتىك ورگاندار مەن ەكىنشى دەڭگەيدەگى بانكتەردىڭ اقپاراتتىق جۇيەلەرى ارقىلى كەلىسىمدى العاننان كەيىن عانا جيىنتىق تۇردە جۇزەگە اسىرىلادى. ەگەر بانكتىك شوتتار بويىنشا شىعىس وپەراسيالارىنىڭ مولشەرى كەدەيلىك شەگىنەن اسپاسا، وندا ااك قولدانىستاعى زاڭناماعا سايكەس تاعايىندالادى.