الماتىدا 2025-2029 جىلدارعا ارنالعان سۋمەن جابدىقتاۋعا جانە سۋ بۇرۋعا ارنالعان جاڭا تاريفتەر بەكىتىلدى.
«ءتاريفتى ينۆەستيسيالارعا ايىرباستاۋ» باعدارلاماسىن ىسكە اسىرۋ شەڭبەرىندە «الماتى سۋ» مكك جاڭا تاريفتەرى مەن ينۆەستيسيالىق باعدارلامالارى قولدانىسقا ەنگىزىلەدى، دەپ حابارلايدى aqshamnews.kz.
وڭىرلىك كوممۋنيكاسيالار قىزمەتىنىڭ بريفينگىندە ۇلتتىق ەكونوميكا مينيسترلىگى تابيعي مونوپوليالاردى رەتتەۋ كوميتەتىنىڭ الماتى قالاسى بويىنشا دەپارتامەنتىنىڭ باسشىسى اسەل بودەنەيەۆا تۇسىندىرگەندەي، تاريفتەردى بەكىتۋ كەزىندە «ءتاريفتى ينۆەستيسياعا ايىرباستاۋ» باعدارلاماسىنىڭ مىندەتتەرىن ىسكە اسىرۋ ەسكەرىلدى. وندا ينۆەستيسيالاردى، جالاقىنى ۇلعايتۋ، يەسىز جەلىلەردى ۇستاۋ جانە ستراتەگيالىق تاۋاردىڭ قۇنى قاراستىرىلعان.
2025 جىلعى 1 اقپاننان باستاپ 2020-2024 جىلدارعا ارنالعان بۇرىن بەكىتىلگەن تاريفتەردىڭ قولدانىلۋ مەرزىمىنىڭ اياقتالۋىنا بايلانىستى سۋمەن جابدىقتاۋعا جانە سۋ بۇرۋعا جاڭا تاريفتەر ەنگىزىلەدى.
«جاڭا تاريفتەرمەن قاتار، ق ر ونەركاسىپ جانە قۇرىلىس مينيسترلىگىنىڭ قۇرىلىس جانە تۇرعىن ۇي-كوممۋنالدىق شارۋاشىلىق ىستەرى كوميتەتىمەن بىرلەسىپ، سۋمەن جابدىقتاۋ جانە سۋ بۇرۋدىڭ رەتتەلىپ كورسەتىلەتىن قىزمەتتەرى بويىنشا 2025-2029 جىلدارعا ارنالعان جاڭا بەس جىلدىق كەزەڭگە ارنالعان ينۆەستيسيالىق باعدارلامالار دا بەكىتىلدى»،– دەپ اتاپ ءوتتى اسەل بودەنەيەۆا.
وسى ينۆەستيسيالىق باعدارلامالاردى ىسكە اسىرۋ سۋ قۇبىرى جانە كارىز جەلىلەرىنىڭ توزۋىن جانە اپاتتىق جاعدايلار سانىن جىل سايىن تومەندەتۋگە اكەپ سوعادى، سونداي-اق كورسەتىلەتىن رەتتەۋگە كەلەتىن قىزمەتتەردىڭ ساپاسىن ارتتىرۋعا ىقپال ەتەتىن بولادى.
باعدارلاما شەڭبەرىندە 2024 جىلعى قىركۇيەكتەن باستاپ جەكە تۇلعالار توبى ءۇشىن سۋدى «تۇتىنۋدىڭ الەۋمەتتىك نورمالارى» ەنگىزىلدى. «نەعۇرلىم كوپ ۇنەمدەسەڭىز، سوعۇرلىم از تولەيسىز» قاعيداتى بويىنشا تاريفتەر تۇتىنۋ كولەمىنە بايلانىستى وزگەرىپ وتىرادى:
• 1 ادامعا ايىنا 3 م3 دەيىن - 91،96 تەڭگە/م3،
• 1 ادامعا ايىنا 3 م3-تەن 5 م3-گە دەيىن 1 ادامعا - 110،36 تەڭگە/م3
• 1 ادامعا ايىنا 5 م3-تەن 10 م3-گە دەيىن - 137،94 تەڭگە/م3
• 1 ادامعا ايىنا 10 م3 جوعارى جانە سۋدى ەسەپتەيتىن جەكە اسپاپتارى جوق جەكە تۇلعالار - 183،92 تەڭگە/م3.
الىنعان قاراجات رەسۋرس ۇنەمدەۋشى تەحنولوگيالاردى ەنگىزۋگە، جابدىقتاردى جاڭعىرتۋعا جانە جەلىلەردى جوندەۋگە باعىتتالادى.
2025 جىلعى 1 اقپاننان باستاپ جاڭا تاريفتەردى قولدانىسقا ەنگىزۋ:
* سۋمەن جابدىقتاۋدىڭ ورتاشا ءتاريفى 135،24 تەڭگە / م3 قۇرايدى،
* سۋ بۇرۋعا - 83،54 تەڭگە / م3.
حالىق ءۇشىن سۋمەن جابدىقتاۋدىڭ بازالىق ءتاريفى 91،96 تەڭگە/م3 دەيىن، ال سۋ بۇرۋعا – 83،54 تەڭگە/م3 دەيىن وسەدى.
بۇل رەتتە باسقا تۇتىنۋشىلار مەن بيۋدجەتتىك ۇيىمدار ءۇشىن تاريفتەردىڭ تومەندەۋى نەمەسە قالىپتى ءوسۋى كوزدەلگەن.
سونىمەن قاتار، الماتىدا تۇراتىن تۇتىنۋشىلار ءۇشىن ورتاشا تۇبىرتەك:
- سۋىق سۋمەن جابدىقتاۋ بويىنشا 32 م2 تۇرعىن الاڭى بار 1 بولمەلى پاتەر 156 تەڭگەگە جانە كارىز ءۇشىن 139 تەڭگەگە (295 تەڭگە) ارتىق؛
- تۇرعىن الاڭى 48 م2 2 بولمەلى پاتەر سۋىق سۋمەن جابدىقتاۋ بويىنشا 234 تەڭگەگە جانە كارىز ءۇشىن 208 تەڭگەگە (450 تەڭگە) ارتىق؛
- تۇرعىن الاڭى 88 م2 3 بولمەلى پاتەر سۋىق سۋمەن جابدىقتاۋ بويىنشا 312 تەڭگەگە جانە كارىز ءۇشىن 278 تەڭگەگە (600 تەڭگە) ارتىق.