زەرتحانادان 1500 ليتر پرەكۋرسور تاركىلەندى.
باعىت بويىنشا پاترۋلدەۋ جۇرگىزۋ كەزىندە ىلە اۋدانىنىڭ جپقب پپر 209 بورتىنىڭ قىزمەتكەرلەرى Mitsubichi اۆتوكولىگىن توقتاتقان. تەكسەرۋ بارىسىندا كولىك سالونىنان 25 كانيستر حيميالىق سۇيىقتىق تابىلدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«تەرگەۋ ءىس-شاراسى بارىسىندا الماتى وبلىسى پد ەققكب قىزمەتكەرلەرى ىلە اۋدانىنىڭ كپب-مەن بىرلەسىپ، تىيىم سالىنعان زاتتاردى دايىنداعان 29 جاستاعى كۇدىكتىنى اشكەرەلەپ، مەجدۋرەچەنسك اۋىلىنا جاقىن ماڭداعى شارۋا قوجالىعىنىڭ اۋماعىندا ورنالاسقان ەسىرتكى زەرتحاناسىن انىقتادى. ۇستالعان ادامنىڭ زەرتحاناسىنان شامامەن 1500 ليتر پرەكۋرسور تاركىلەندى»، – دەدى الماتى وبلىسى پد باستىعى باۋىرجان الەنوۆ.
اتالعان دەرەك ق ر قك-نىڭ 296-بابىنىڭ 4-بولىگى (ەسىرتكى، پسيحوتروپتىق زاتتارمەن، سول تەكتەستەرمەن وتكىزۋ ماقساتىنسىز زاڭسىز جۇمىس ىستەۋ) بويىنشا ىلە اۋدانىنىڭ پب-عا تىركەلدى. ساراپتامالىق تەكسەرۋلەر تاعايىندالدى، كۇدىكتى قاماۋعا الىندى.