اكىمدەرگە جينالماعان قوقىس ورىندارى ءۇشىن ايىپپۇل سالىندى

ولار 7 ملن تەڭگەدەن استام ايىپپۇل تولەيدى.

جىل باسىنان بەرى "قازاقستان عارىش ساپارى" عارىشتىق مونيتورينگىمەن رۇقسات ەتىلمەگەن قوقىس تاستايتىن 3 411 ورىن تىركەلىپ، ونىڭ ىشىندە 1243 ورىن جويىلدى، دەپ حابارلايدى Almaty-akshamy.kz Ortcom.kz سىلتەمە جاساپ.

ولاردى جويۋ جۇمىسىندا قاراعاندى، قىزىلوردا وبلىستارى جانە شىمكەنت قالاسى بەلسەندىلىك تانىتتى.

شقو، ماڭعىستاۋ، اتىراۋ جانە جامبىل وبلىستارىندا بۇل باعىتتا تومەن جۇمىس بايقالادى.

جالپى رەسپۋبليكا بويىنشا تاراتۋ دەڭگەيى 36%-دى قۇرادى. بۇل باعىتتاعى جۇمىس جانداندىرىلاتىن بولادى.

قوقىس تاستايتىن جەرلەردى جويۋ بويىنشا ناشار جۇمىس ىستەگەنى ءۇشىن ەكولوگيا دەپارتامەنتتەرى 86 لاۋازىمدى تۇلعانى (اكىمدەر مەن اكىمدەر ورىنباسارلارى) اكىمشىلىك جاۋاپكەرشىلىككە تارتىپ، جالپى سوماسى 7 ملن تەڭگەدەن استام ايىپپۇل سالدى.

بۇدان باسقا، ءىىم جانە اكىمدىكتەرمەن بىرلەسىپ بەكىتىلگەن جوسپاردى ورىنداۋ شەڭبەرىندە 2022 جىلعى 2-3 شىلدەدە ەكولوگيا دەپارتامەنتتەرى رەكرەاسيا ورىندارىندا رەيدتىك ءىس-شارالار وتكىزدى. ءوندىرىس قالدىقتارىمەن جۇمىس ىستەۋ بولىگىندە حالىقپەن پروفيلاكتيكالىق جانە ءتۇسىندىرۋ جۇمىستارى جۇرگىزىلدى، سونداي-اق قورشاعان ورتاعا ۇقىپتى قاراۋ تۋرالى ەسكە سالاتىن جادىنامالار تاراتىلدى.