2021 جىلى جۇمىسپەن قامتۋدى قولداۋدىڭ ءتۇرلى شارالارىمەن 26،9 مىڭ مۇگەدەكتىگى بار ادام قامتىلدى، ولاردىڭ 21،1 مىڭى «ەڭبەك» مەملەكەتتىك باعدارلاماسىنىڭ قاتىسۋشىلارى بولدى، ال 5،8 مىڭى جۇمىس ورىندارىنىڭ كۆوتاسى بويىنشا جۇمىسقا ورنالاستىرىلدى، دەپ حابارلايدى Almaty-akshamy.kz Elorda.info-عا سىلتەمە جاساپ.
ەڭبەك جانە حالىقتى الەۋمەتتىك قورعاۋ مينيسترلىگىنىڭ اقپاراتتىق جۇيەسىنىڭ مالىمەتتەرىنە سايكەس، 2021 جىلى 104 مىڭ مۇگەدەكتىگى بار ادام (24،8%) جۇمىسپەن قامتىلعان.
2022 جىلعى 1 قاڭتارداعى جاعداي بويىنشا قازاقستاندا 696،8 مىڭ مۇگەدەكتىگى بار ادام نەمەسە حالىقتىڭ جالپى سانىنىڭ 7،5%-ى تۇرادى، ولاردىڭ 419 مىڭى – ەڭبەككە قابىلەتتى جاستا.
«حالىقتى جۇمىسپەن قامتۋ تۋرالى» زاڭعا سايكەس جەرگىلىكتى اتقارۋشى ورگاندار اۋىر جۇمىستاردى، ەڭبەك جاعدايلارى زياندى، ءقاۋىپتى جۇمىستارداعى جۇمىس ورىندارىن ەسەپكە الماعاندا، جۇمىس ىستەيتىندەردىڭ جالپى سانىنىڭ (جالدامالى جۇمىسكەرلەردىڭ جالپى سانى كەمىندە 50 ادام بولعاندا) 2-دەن 4%-عا دەيىنگى مولشەردە مۇگەدەكتىگى بار ادامدار ءۇشىن جۇمىس ورىندارىنا كۆوتا بەلگىلەيدى.
2021 جىلدىڭ قورىتىندىسى بويىنشا كۆوتا شەڭبەرىندە بارلىعى 5،8 مىڭ مۇگەدەكتىگى بار ادام جۇمىسقا ورنالاستىرىلدى. بۇدان باسقا، وتكەن جىلى «ەڭبەك» مەملەكەتتىك باعدارلاماسىنا 21،1 مىڭ مۇگەدەكتىگى بار ادام قاتىستى. ونىڭ ىشىندە تۇراقتى جۇمىس ورىندارىنا 9،3 مىڭ ادام جانە ۋاقىتشا جۇمىسقا 8،6 مىڭ ادام ورنالاستىرىلدى.
قىسقامەرزىمدى كاسىپتىك وقىتۋمەن – 563 ادام، «باستاۋ بيزنەس» جوباسى بويىنشا كاسىپكەرلىك نەگىزدەرىنە وقىتۋمەن – 1،6 مىڭ ادام قامتىلدى، ونىڭ ىشىندە 325ء-ى بيزنەس جوبالارىن قورعاپ، گرانتتار، 46-سى ميكروكرەديتتەر الدى.
سونىمەن قاتار، 460 ادام ميكروكرەديت، 1،1 مىڭ ادام گرانت الدى.
«ەڭبەك» مەملەكەتتىك باعدارلاماسى اياسىندا حالىقتىڭ باسقا دا وسال توپتارىمەن قاتار مۇگەدەكتىگى بار ادامداردىڭ باسىم تارتىپپەن كورسەتىلەتىن قىزمەتتەردى الۋعا قۇقىعى بولدى.
2021 جىلى «ەڭبەك» مەملەكەتتىك باعدارلاماسىن ىسكە اسىرۋ اياقتالدى، جۇمىسپەن قامتۋعا جاردەمدەسۋ شارالارى ق ر ۇكىمەتىنىڭ قاۋلىسىمەن بەكىتىلگەن كاسىپكەرلىكتى دامىتۋ جونىندەگى ۇلتتىق جوبا شەڭبەرىندە جالعاساتىن بولادى.
سونداي-اق، 2018 جىلدان باستاپ حالىقارالىق تاجىريبەنى ەسكەرە وتىرىپ، مۇگەدەكتىگى بار ادامداردى جۇمىسقا ورنالاستىرۋ ءۇشىن ارنايى جۇمىس ورنىن جاراقتاندىرۋعا بايلانىستى جۇمىس بەرۋشىلەردىڭ شىعىندارىن سۋبسيديالاۋ ءتارتىبى ەنگىزىلدى. 2021 جىلى جالپى سوماسى 122 ملن تەڭگەگە 90 ارنايى جۇمىس ورنى اشىلدى.